Amerika biznesmeni, milliarder Ilon Mask Ýkrainadaǵy soǵysty "toqtatatyn" tórt usynys jasady. Ol Tvitterdegi paraqshasynda Ýkraina men Resei arasynda beibitshilik ornatý úshin tórt shart kerek ekenin aitty.
Ilon Masktyń oiynsha, Resei anneksiialaǵan aýmaqta BUU baqylaýymen qaita referendým ótýge tiis. Eger ol jerdiń halqy Ýkrainada qalamyz dese Resei sheginedi. Qyrym Reseide qalyp, sýmen qamtamasyz etiletinine kepildik alýǵa tiis. Al Ýkraina beitarap statýsta qalǵany jón.
Ilon Masktyń esebinshe, soǵys sońy báribir osylai aiaqtalady, aiyrmasy soǵysyp jatqan eki eldiń qansha shyǵynǵa ushyraitynynda ǵana. Onyń sózinshe, ózge jol tek iadrolyq soǵys bolýy múmkin.
Mask óziniń postynyń astyna osy usynysyna bailanysty daýys berýge shaqyrǵan. Máskeý ýaqytymen saǵat 21-de 700 myńǵa jýyq adam daýys bergen, onyń 59,6 paiyzy qarsy bolyp, 40,4 paiyzy qoldaǵan. Post jariialaǵan soń Ilon Mask bottardyń shabýylyna ushyraǵanyn aitqan.
