امەريكا بيزنەسمەنٸ, ميللياردەر يلون ماسك ۋكرايناداعى سوعىستى "توقتاتاتىن" تٶرت ۇسىنىس جاسادى. ول تۆيتتەردەگٸ پاراقشاسىندا ۋكراينا مەن رەسەي اراسىندا بەيبٸتشٸلٸك ورناتۋ ٷشٸن تٶرت شارت كەرەك ەكەنٸن ايتتى.
يلون ماسكتىڭ ويىنشا, رەسەي اننەكسييالاعان اۋماقتا بۇۇ باقىلاۋىمەن قايتا رەفەرەندۋم ٶتۋگە تيٸس. ەگەر ول جەردٸڭ حالقى ۋكراينادا قالامىز دەسە رەسەي شەگٸنەدٸ. قىرىم رەسەيدە قالىپ, سۋمەن قامتاماسىز ەتٸلەتٸنٸنە كەپٸلدٸك الۋعا تيٸس. ال ۋكراينا بەيتاراپ ستاتۋستا قالعانى جٶن.
يلون ماسكتىڭ ەسەبٸنشە, سوعىس سوڭى بەرٸبٸر وسىلاي اياقتالادى, ايىرماسى سوعىسىپ جاتقان ەكٸ ەلدٸڭ قانشا شىعىنعا ۇشىرايتىنىندا عانا. ونىڭ سٶزٸنشە, ٶزگە جول تەك يادرولىق سوعىس بولۋى مٷمكٸن.
ماسك ٶزٸنٸڭ پوستىنىڭ استىنا وسى ۇسىنىسىنا بايلانىستى داۋىس بەرۋگە شاقىرعان. مەسكەۋ ۋاقىتىمەن ساعات 21-دە 700 مىڭعا جۋىق ادام داۋىس بەرگەن, ونىڭ 59,6 پايىزى قارسى بولىپ, 40,4 پايىزى قولداعان. پوست جارييالاعان سوڭ يلون ماسك بوتتاردىڭ شابۋىلىنا ۇشىراعانىن ايتقان.
