Halyqaralyq aýyr atletika federatsiiasy (IWF) óziniń resmi saitynda Ilia Ilinniń jaza merzimi eki jyl bolǵanyn jariialady, dep jazady Vesti.kz portaly.
Buǵan deiin Ilin ruqsat etilmegen dárýmen qoldanǵany úshin 2008 jáne 2012 jylǵy Olimpiada oiyndarynyń altyn júldesinen aiyrylǵan bolatyn.
Jeltoqsan aiynda Qazaqstan aýyr atletika federatsiiasy IWF Ilindi 2018 jyldyń 10 maýsymyna deiin shettetkenin jariialaǵan bolatyn. Biraq IWF resmi saitynda qazir Ilinniń jaza merzimi 2018 jyldyń 19 qazanyna deiin dep kórsetilip tur. Osylaisha, qazaqstandyq aýyr atlet 2020 jyly Tokioda ótetin Olimpiada oiyndaryna qatysa alady.
IWF resmi saityndaǵy málimdemede Ilinniń 2008 jylǵy Olimpiada oiyndarynda doping erejesin buzǵandyǵyna bailanysty eshteme jazylmaǵan. Onyń eki Olimpiadada erejeni buzǵany bir is retinde qarastyrylyp jatyr. Al eger ekeýi eki bólek qarastyrylatyn bolsa, sportshy ómir boiynsha sporttan shettetiletin edi.
Aita keteiik, Ilin tek Olimpiada oiyndarynyń altyndarynan ǵana aiyrylyp otyr. Al onyń álem chempionatynda (2005, 2006, 2011 jáne 2014) jáne Aziia oiyndarynda (2006 jáne 2010) alǵan altyndary ózinde qaldy.
Ótken jyldyń sońynda sportshynyń ózi jaza merzimi aiaqtalǵannan keiin sportqa qaita oralatyny týraly aitqan bolatyn.
Eske salaiyq, Pekin jáne Londondaǵy Olimpiada oiyndarynyń dopingin qaita tekserýdiń qorytyndysy boiynsha Qazaqstan jeti júldesinen aiyryldy. Tarqatyp aitsaq, Pekindegi Olimpiadadan Ilinniń altyn júldesi, Irina Nekrasovanyń kúmis júldesi jáne Mariia Grabovetskaianyń qola júldesi, al Londondaǵy Olimpiada oiyndaryndaǵy Ilin, Svetlana Podobedova, Zýlfiia Chinshanlo jáne Maiia Manezanyń altyn júldelerin alyp qoidy.
Sóitip IWF Chinshanlo men Manezany 2018 jyldyń 28 mamyryna deiin, al Podobedovany segiz jylǵa sporttan shettetti. Bul sportshylardyń arasynda tek Chinshanlo ǵana sportqa qaita oralýǵa nietti.
Iliia Ilinniń jaza merzimi ózgerdi
