IIM Ákimshilik politsiia komiteti tóraǵasynyń orynbasary Jandos Murataliev jaiaý júrginshilerge aiyppul salý týraly aitty, - dep habarlaidy Tengrinews.kz agenttigi.
Muratalievtiń aitýynsha, Ishki ister ministrligi tártip buzǵan jaiaý júrginshilerge de kólik júrgizýshilerine qoldanylatyndai sharalar qoldanýǵa nietti. Atap aitqanda, jol qozǵalysy erejesin udaiy buzatyndar aiyppul somasynyń jartysyn ǵana tóleý múmkindiginen aiyrylýy múmkin.
"Jaiaý júrginshiler 50 metr jerde jer ústi nemese jer asty jaiaý júrginshiler ótkeli bolsa da, joldy belgilenbegen jerden kesip ótedi. Bul jaǵdaida 2 AEK (1 AEK – 3 180 teńge) kóleminde aiyppul sala alamyz. Júrgizýshilerge qatysty sharalardy qoldanýymyz múmkin: jaiaý júrginshi belgilenbegen jerden joldy birinshi ret kesip ótkende eskertý jasalady. Ekinshi jaǵdaida oǵan ákimshilik aiyppul salynady, al úshinshi jaǵdaida tártipbuzýshyǵa aiyppuldy 50 paiyzdyq jeńildikpen tóleýge múmkindik bermeitin sharalar qabyldanady", - dep túsindirdi Jandos Murataliev OKQ-da ótken brifing barysynda.
