ٸٸم ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى جاندوس مۇراتاليەۆ جاياۋ جٷرگٸنشٸلەرگە ايىپپۇل سالۋ تۋرالى ايتتى, - دەپ حابارلايدى Tengrinews.kz اگەنتتٸگٸ.
مۇراتاليەۆتٸڭ ايتۋىنشا, ٸشكٸ ٸستەر مينيسترلٸگٸ تەرتٸپ بۇزعان جاياۋ جٷرگٸنشٸلەرگە دە كٶلٸك جٷرگٸزۋشٸلەرٸنە قولدانىلاتىنداي شارالار قولدانۋعا نيەتتٸ. اتاپ ايتقاندا, جول قوزعالىسى ەرەجەسٸن ۇدايى بۇزاتىندار ايىپپۇل سوماسىنىڭ جارتىسىن عانا تٶلەۋ مٷمكٸندٸگٸنەن ايىرىلۋى مٷمكٸن.
"جاياۋ جٷرگٸنشٸلەر 50 مەتر جەردە جەر ٷستٸ نەمەسە جەر استى جاياۋ جٷرگٸنشٸلەر ٶتكەلٸ بولسا دا, جولدى بەلگٸلەنبەگەن جەردەن كەسٸپ ٶتەدٸ. بۇل جاعدايدا 2 اەك (1 اەك – 3 180 تەڭگە) كٶلەمٸندە ايىپپۇل سالا الامىز. جٷرگٸزۋشٸلەرگە قاتىستى شارالاردى قولدانۋىمىز مٷمكٸن: جاياۋ جٷرگٸنشٸ بەلگٸلەنبەگەن جەردەن جولدى بٸرٸنشٸ رەت كەسٸپ ٶتكەندە ەسكەرتۋ جاسالادى. ەكٸنشٸ جاعدايدا وعان ەكٸمشٸلٸك ايىپپۇل سالىنادى, ال ٷشٸنشٸ جاعدايدا تەرتٸپبۇزۋشىعا ايىپپۇلدى 50 پايىزدىق جەڭٸلدٸكپەن تٶلەۋگە مٷمكٸندٸك بەرمەيتٸن شارالار قابىلدانادى", - دەپ تٷسٸندٸردٸ جاندوس مۇراتاليەۆ وكق-دا ٶتكەن بريفينگ بارىسىندا.
