Telejúrgizýshi Gúlnáz Álimgerei qudaǵiy Baqyttyń dúnieden ótkenin aityp, áleýmettik jelide esteligin bólisti, dep habarlaidy ult.kz.

Marqum – telejúrgizýshiniń qudasy Rústemniń anasy, kelini Kamilanyń ájesi. Gúlnáz Álimgereidiń jazýynsha, 69 jasynda ómirden ozǵan Baqyt qudaǵiy ony jáne jubaiy Nurdildáni óz balalaryndai kórip, analyq meiirimin aiamaǵan.

Telejúrgizýshi marqumnyń jary Amangeldimen birge tórt ul tárbielep, kelin túsirip, nemere-shóbere súigenin jetkizdi. Erli-zaiypty kelesi jyly altyn toilaryn atap ótpek bolǵan.

Gúlnáz Álimgerei Baqyt qudaǵiymen sońǵy ret jazda Baianaýylǵa barǵan saparynda kezdeskenin eske aldy. Sol joly qudaǵiy olardy tórine shyǵaryp, erekshe yqylaspen kútip alǵan. Ózine arnap qolymen tikken eki jastyqty syiǵa tartqan.

Sodan beri telejúrgizýshi sol jastyqtardy kóliginde ustap, saparǵa shyqqanda birge alyp júrgen. Endi olar qudaǵiynyń qolynyń taby men meiirimin eske salatyn qymbat estelikke ainalǵanyn jazdy.

Aita keteiik, Miras pen Quralai tórt qabatty úiin satylymǵa shyǵardy.

Gúlnaz Álimgerei kim? 

Gúlnáz Álimgerei – qazaqstandyq jýrnalist, telejúrgizýshi, memlekettik «Daryn» jastar syilyǵynyń iegeri. Kórermenge «Qazaqstan» ulttyq telearnasyndaǵy jańalyqtar júrgizýshisi retinde tanylǵan. Aqtóbe óńiriniń týmasy.

Ol jýrnalist Nurdildá Orazdyń jubaiy. Erli-zaiypty 2025 jyly uldaryn úilendirip, kelin túsirgen.

Gúlnáz Álimgerei telejúrgizýshilikpen qatar, túrli mádeni is-sharalar men respýblikalyq deńgeidegi basqosýlardy júrgizgen. Ol týǵan ólkesi Aqtóbede uiymdastyrylǵan «Týǵan jer» forýmynyń negizgi sharasyna da júrgizýshi retinde qatysqan.

Jýrnalist bolashaq mamandarmen tájiribesin bólisýge de atsalysady. L.N. Gýmilev atyndaǵy Eýraziia ulttyq ýniversitetinde ótken sheberlik sabaqtaryna qatysyp, stýdentterge televiziia salasyndaǵy tájiribesin tanystyrǵan.

2010 jyly «Astana hanymy» baiqaýynda jeńimpaz atanǵan. Baiqaýda onyń sahna mádenieti men óneri baǵalanǵan.