Ánshi Miras Bekjanov pen jubaiy Quralai úilerin satylymǵa shyǵardy. Ónerli jup bul týraly TikTok jelisinde jariialaǵan videosynda aitty, dep habarlaidy ult.kz.

Miras Bekjanovtyń sózinshe, tórt qabatty baspananyń aýmaǵy 900 sharshy metrdi quraidy. Ánshi osy shańyraqta talai qýanyshty kúnderdi ótkizgenin aityp, úige degen rizashylyǵyn bildirdi.

«Quralai, men bul úige rizamyn. Qudaiǵa shúkir, osy úige kóship kelgennen beri toi da toi. Toiymyz toiǵa ulasyp jatyr. Kontsertterimizdi de ótkizip júrmiz. Qanshama qonaqtarymyz ben qudalarymyzdy kútip aldyq», – dedi ol.

Erli-zaiyptylar záýlim baspanasyn 290 million teńgege baǵalaǵan.

Aita keteiik, Dimashtyń tosyn áreketi jurtty kúlkige qarq qyldy. 

https://vt.tiktok.com/ZSpeDmrHg/

Miras pen Quralai kim? 
 

Miras pen Quralai Bekjanovtar – qazaq estradasyna otbasylyq dýet retinde tanylǵan ánshiler. Erli-zaiyptylar klassikalyq jáne estradalyq baǵytta án oryndaidy. 

Miras Bekjanov 1974 jylǵy 25 sáýirde Aqtóbe qalasynda dúniege kelgen. Ahmet Jubanov atyndaǵy mýzykalyq kolledjdiń dirijerlik bólimin, keiin Qurmanǵazy atyndaǵy Qazaq ulttyq konservatoriiasynyń vokal bólimin bitirgen.

Quralai 1976 jylǵy 8 naýryzda sol kezdegi Shyǵys Qazaqstan oblysy Besqaraǵai aýdanynyń Grachi aýylynda týǵan. Ol da Qurmanǵazy atyndaǵy Qazaq ulttyq konservatoriiasynda bilim alǵan. 

Ónerli juptyń «Asyl jarym» atty án jinaǵy jaryq kórgen. Sondai-aq olar «Miras-Quralai» vokaldyq ortalyǵyn ashyp, ánshilik tájiribesin jas ónerpazdarǵa úiretýge den qoiǵan.