Google amerikalyq kompaniiasy qazaqstandyqtardy arnaiy "dýdl" arqyly Táýelsizdik kúnimen quttyqtady. 16 jeltoqsan qarsańynda izdeý saitynyń paraqshasynda elimizdiń týynyń túsindei logotip paida boldy, - dep habarlaidy "Ult aqparat".
Logotiptyń ortasynda Almatydaǵy Táýelsizdik monýmentindegi "Altyn adam" beinelengen. Qoladan quiylǵan qanatty barystyń ústinde oń qolynda qyran qusy, sol qolynda sadaǵy, belinde qanjary men asynyp alǵan qoramsaǵyndaǵy saýyt, buzar altynǵa malynǵan jebeleri bar dýlyǵaly jas sarbazdyń quryshtai myǵym bitim-tulǵasy asa aibarly keiippen, táýelsizdik monýmentiniń beriktigi men aýqymdylyǵyn aiqyn ańǵartady.
Aita keteiik, kompaniia respýblika turǵyndaryn Táýelsizdik kúnimen alǵash ret quttyqtap jatqan joq. 2015 jyldyń jeltoqsanynda izdeý saitynyń basty betinde mynadai logotip paida bolǵan.
2011 jyldyń jeltoqsanynda, Qazaqstan Táýelsizdiginiń 20 jyldyǵy atap ótilip jatqanda, Google qazaqstandyqtardy osylai quttyqtady:
Google aitýly kúnderge arnalǵan logotipterin "dýdl" dep te ataidy. Olar qoldanýshylardy mereke kúnderi, adamzat tarihyna úles qosqan uly tulǵalardyń týǵan kúnderi jaily eskertip otyrady.
.jpeg)