Google امەريكالىق كومپانيياسى قازاقستاندىقتاردى ارنايى "دۋدل" ارقىلى تەۋەلسٸزدٸك كٷنٸمەن قۇتتىقتادى. 16 جەلتوقسان قارساڭىندا ٸزدەۋ سايتىنىڭ پاراقشاسىندا ەلٸمٸزدٸڭ تۋىنىڭ تٷسٸندەي لوگوتيپ پايدا بولدى, - دەپ حابارلايدى "ۇلت اقپارات".
لوگوتيپتىڭ ورتاسىندا الماتىداعى تەۋەلسٸزدٸك مونۋمەنتٸندەگٸ "التىن ادام" بەينەلەنگەن. قولادان قۇيىلعان قاناتتى بارىستىڭ ٷستٸندە وڭ قولىندا قىران قۇسى, سول قولىندا ساداعى, بەلٸندە قانجارى مەن اسىنىپ العان قورامساعىنداعى ساۋىت, بۇزار التىنعا مالىنعان جەبەلەرٸ بار دۋلىعالى جاس ساربازدىڭ قۇرىشتاي مىعىم بٸتٸم-تۇلعاسى اسا ايبارلى كەيٸپپەن, تەۋەلسٸزدٸك مونۋمەنتٸنٸڭ بەرٸكتٸگٸ مەن اۋقىمدىلىعىن ايقىن اڭعارتادى.
ايتا كەتەيٸك, كومپانييا رەسپۋبليكا تۇرعىندارىن تەۋەلسٸزدٸك كٷنٸمەن العاش رەت قۇتتىقتاپ جاتقان جوق. 2015 جىلدىڭ جەلتوقسانىندا ٸزدەۋ سايتىنىڭ باستى بەتٸندە مىناداي لوگوتيپ پايدا بولعان.
2011 جىلدىڭ جەلتوقسانىندا, قازاقستان تەۋەلسٸزدٸگٸنٸڭ 20 جىلدىعى اتاپ ٶتٸلٸپ جاتقاندا, Google قازاقستاندىقتاردى وسىلاي قۇتتىقتادى:
Google ايتۋلى كٷندەرگە ارنالعان لوگوتيپتەرٸن "دۋدل" دەپ تە اتايدى. ولار قولدانۋشىلاردى مەرەكە كٷندەرٸ, ادامزات تاريحىنا ٷلەس قوسقان ۇلى تۇلعالاردىڭ تۋعان كٷندەرٸ جايلى ەسكەرتٸپ وتىرادى.
.jpeg)