«1998 jylǵa deiin adamdar eń iri izdeý júiesinsiz de ómir súrdi. Degenmen, búgingi tańda jumysta da, jalpy, ómirde de Google-syz is tyndyra alamyz ba?», dep jazady The Guardian basylymy.
Basylym avtory arnaiy eksperiment jasap, bir apta Google izdeý júiesin múldem ashpaǵan. Avtor tájiribe basynda óziniń qinalǵanyn jasyrmady.
«Google-dy ómirińnen syzyp tastaý - úlken erlik. Google kartasy jol tabýyma kómektesedi, Google meniń qosymshalarymdy basqarady. Google YouTube iesi. Iaǵni, men tájiribe barysynda izdeý júiesinen, braýzerden, kartadan, YouTube jelisinen bas tarttym. Osylaisha men ózimdi misyz qalǵandai sezindim. Google - meniń miym eken ǵoi dep oiladym», dep jazady avtor. Onyń jazýynsha, avtor onlain júielerge úirengen mi tipti tereń oilaýǵa da qinalatynyn túsingen.
Avtordyń aitýynsha, Google ár sekýnd saiyn 63 myń, jylyna 2 trln izdeý suranysyn alady.
«Google men basqa platformalar bizdiń nazarymyzdy aýdarady. Osylaisha biz ózimizdi qorshaǵan ortaǵa, ainalamyzǵa múldem nazar aýdarmaimyz. Jalqaýlyq, sengishtik pen órkókirektik bizdiń táýeldi ómir súrýge qushtar ekenimizdi dáleldeitindei. Árine, men bankke baryp kezekke turý, dúken jabyq bolǵandyqtan taýar satyp ala almaý sekildi jaǵdailardan qutylǵanyma qýanyshtymyn. Degenmen, Google bizge syilaǵan barlyq jeńildik úshin biz de aqy tóledik: biz ómirimizdegi kútpegen sátter men qýanyshtardan bas tarttyq», dep jazady avtor.
