«1998 جىلعا دەيٸن ادامدار ەڭ ٸرٸ ٸزدەۋ جٷيەسٸنسٸز دە ٶمٸر سٷردٸ. دەگەنمەن, بٷگٸنگٸ تاڭدا جۇمىستا دا, جالپى, ٶمٸردە دە Google-سىز ٸس تىندىرا الامىز با?», دەپ جازادى The Guardian باسىلىمى.
باسىلىم اۆتورى ارنايى ەكسپەريمەنت جاساپ, بٸر اپتا Google ٸزدەۋ جٷيەسٸن مٷلدەم اشپاعان. اۆتور تەجٸريبە باسىندا ٶزٸنٸڭ قينالعانىن جاسىرمادى.
«Google-دى ٶمٸرٸڭنەن سىزىپ تاستاۋ - ٷلكەن ەرلٸك. Google كارتاسى جول تابۋىما كٶمەكتەسەدٸ, Google مەنٸڭ قوسىمشالارىمدى باسقارادى. Google YouTube يەسٸ. ياعني, مەن تەجٸريبە بارىسىندا ٸزدەۋ جٷيەسٸنەن, براۋزەردەن, كارتادان, YouTube جەلٸسٸنەن باس تارتتىم. وسىلايشا مەن ٶزٸمدٸ ميسىز قالعانداي سەزٸندٸم. Google - مەنٸڭ ميىم ەكەن عوي دەپ ويلادىم», دەپ جازادى اۆتور. ونىڭ جازۋىنشا, اۆتور ونلاين جٷيەلەرگە ٷيرەنگەن مي تٸپتٸ تەرەڭ ويلاۋعا دا قينالاتىنىن تٷسٸنگەن.
اۆتوردىڭ ايتۋىنشا, Google ەر سەكۋند سايىن 63 مىڭ, جىلىنا 2 ترلن ٸزدەۋ سۇرانىسىن الادى.
«Google مەن باسقا پلاتفورمالار بٸزدٸڭ نازارىمىزدى اۋدارادى. وسىلايشا بٸز ٶزٸمٸزدٸ قورشاعان ورتاعا, اينالامىزعا مٷلدەم نازار اۋدارمايمىز. جالقاۋلىق, سەنگٸشتٸك پەن ٶركٶكٸرەكتٸك بٸزدٸڭ تەۋەلدٸ ٶمٸر سٷرۋگە قۇشتار ەكەنٸمٸزدٸ دەلەلدەيتٸندەي. ەرينە, مەن بانككە بارىپ كەزەككە تۇرۋ, دٷكەن جابىق بولعاندىقتان تاۋار ساتىپ الا الماۋ سەكٸلدٸ جاعدايلاردان قۇتىلعانىما قۋانىشتىمىن. دەگەنمەن, Google بٸزگە سىيلاعان بارلىق جەڭٸلدٸك ٷشٸن بٸز دە اقى تٶلەدٸك: بٸز ٶمٸرٸمٸزدەگٸ كٷتپەگەن سەتتەر مەن قۋانىشتاردان باس تارتتىق», دەپ جازادى اۆتور.
