Qazaqstan Respýblikasy Kólik ministrligi halyqaralyq áýe qatynastarynyń geografiiasyn keńeitý jáne jańa sheteldik áýe tasymaldaýshylaryn tartý boiynsha turaqty negizde jumys júrgizýde, dep habarlaidy ult.kz.
Osy maqsatta Azamattyq aviatsiia komitetiniń tóraǵasy Saltanat Tompievanyń «Cathay» (Gonkong) áýe kompaniiasynyń Taiaý Shyǵys óńiri boiynsha óńirlik menedjeri Oliver Koelomen kezdesýi ótti.
Kezdesý barysynda Oliver Koelo áýe kompaniiasynyń 2026 jylǵy 1 tamyzdan bastap «Boing-747» úlgisindegi áýe kemelerimen aptasyna 5 reiske deiingi jiilikpen Astana qalasyna turaqty júk reisterin ashý jospary týraly habarlady. Sonymen qatar, ol 2027 jylǵy qańtar aiynan bastap «Eirbas-330» úlgisindegi áýe kemelerimen aptasyna 3 ret jiilikpen Gonkong – Almaty baǵyty boiynsha turaqty jolaýshylar reisterin iske qosýdy josparlap otyrǵanyn málimdedi.
Saltanat Tompieva atalǵan jobalardy iske asyrýǵa Qazaqstan tarapy qajetti qoldaý kórsetýge daiyn ekenin jetkizdi.
Kezdesý qorytyndysy boiynsha taraptar júk jáne jolaýshylar reisterin iske qosý úshin qajetti rásimderdi birlesip jalǵastyrýǵa, sondai-aq Qazaqstan men Gonkong arasyndaǵy áýe qatynasyn damytý máseleleri boiynsha tyǵyz yntymaqtastyqty saqtaýǵa kelisti.
Jańa reisterdiń ashylýy saýda-ekonomikalyq jáne týristik bailanystardyń odan ári damýyna, logistikalyq múmkindikterdiń keńeiýine, sondai-aq Qazaqstan men Gonkong arasyndaǵy yntymaqtastyqtyń nyǵaiýyna yqpal etedi.
