Reseidiń «Jýrnalistckaia pravda» aqparat agenttigi qazaqstandyq kásipqoi boksshy Gennadii Golovkindi Resei azamaty dep jazyp, qazaqstandyqtardyń qaharyna ushyrady. Artynan reseilik basylym aiybyn moiyndap, boksshynyń jankúierlerinen keshirim surady, dep habarlaidy BNews.kz tilshisi.
«Orta salmaqtaǵy reseilik chempion Gennadii Golovkin men Ulybritaniialyq Kell Brýk arasyndaǵy jekpe-jekten keiin ulybritaniialyq boksshyǵa ota jasaý qajet. Bul týraly 11 qyrkúiekte «R-Sport» habarlady», - dep jazypty reseilik basylym.
Áleýmettik jelilerde azamattarymyz osy aqparatty qyzý talqylap, basylymdy qatty synǵa alýy muń eken, «Jýrnalistckaia pravda»: «jibergen qateligimiz úshin qazaqstandyq oqyrmandarymyzdan keshirim suraimyz. Gennadii Golovkin, árine, Qazaqstan boksshysy» - dep keshirim surap qutylýdy jón kóripti.
Esterińizge salaiyq, Golovkin – Brýk jekpe-jegi senbiden jeksenbige qaraǵan túni Ulybritaniia astanasy Londonda qalasynda ótti. Boksshylardyń aiqasy besinshi raýndta aiaqtaldy. Otandasymyzdyń qarqynyna tótep bere almaǵan Brýkty komandasy sharshy alańǵa oramal tastap qutqaryp aldy.
Golovkinniń bapkeri Abel Sanchestiń aitýynsha, qazaqstandyq boksshy jyl sońyna deiin taǵy bir jekpe-jek ótkizedi.
