رەسەيدٸڭ «جۋرناليستcكايا پراۆدا» اقپارات اگەنتتٸگٸ قازاقستاندىق كەسٸپقوي بوكسشى گەنناديي گولوۆكيندٸ رەسەي ازاماتى دەپ جازىپ, قازاقستاندىقتاردىڭ قاھارىنا ۇشىرادى. ارتىنان رەسەيلٸك باسىلىم ايىبىن مويىنداپ, بوكسشىنىڭ جانكٷيەرلەرٸنەن كەشٸرٸم سۇرادى, دەپ حابارلايدى BNews.kz تٸلشٸسٸ.
«ورتا سالماقتاعى رەسەيلٸك چەمپيون گەنناديي گولوۆكين مەن ۇلىبريتانييالىق كەلل برۋك اراسىنداعى جەكپە-جەكتەن كەيٸن ۇلىبريتانييالىق بوكسشىعا وتا جاساۋ قاجەت. بۇل تۋرالى 11 قىركٷيەكتە «ر-سپورت» حابارلادى», - دەپ جازىپتى رەسەيلٸك باسىلىم.
ەلەۋمەتتٸك جەلٸلەردە ازاماتتارىمىز وسى اقپاراتتى قىزۋ تالقىلاپ, باسىلىمدى قاتتى سىنعا الۋى مۇڭ ەكەن, «جۋرناليستcكايا پراۆدا»: «جٸبەرگەن قاتەلٸگٸمٸز ٷشٸن قازاقستاندىق وقىرماندارىمىزدان كەشٸرٸم سۇرايمىز. گەنناديي گولوۆكين, ەرينە, قازاقستان بوكسشىسى» - دەپ كەشٸرٸم سۇراپ قۇتىلۋدى جٶن كٶرٸپتٸ.
ەستەرٸڭٸزگە سالايىق, گولوۆكين – برۋك جەكپە-جەگٸ سەنبٸدەن جەكسەنبٸگە قاراعان تٷنٸ ۇلىبريتانييا استاناسى لوندوندا قالاسىندا ٶتتٸ. بوكسشىلاردىڭ ايقاسى بەسٸنشٸ راۋندتا اياقتالدى. وتانداسىمىزدىڭ قارقىنىنا تٶتەپ بەرە الماعان برۋكتى كومانداسى شارشى الاڭعا ورامال تاستاپ قۇتقارىپ الدى.
گولوۆكيننٸڭ باپكەرٸ ابەل سانچەستٸڭ ايتۋىنشا, قازاقستاندىق بوكسشى جىل سوڭىنا دەيٸن تاعى بٸر جەكپە-جەك ٶتكٸزەدٸ.
