تانىمال پروديۋسەر گٷلزيرا ايداربەكوۆا قازاقستاندىق ٶنەر جۇلدىزدارىنىڭ كەسٸبٸن سىنعا العان ماماننىڭ پٸكٸرٸنە جاۋاپ بەردٸ. ول ەلەۋمەتتٸك جەلٸدەگٸ جازباسىندا ٶزگەنٸڭ ەڭبەگٸنە مٸن تاققانشا, الدىمەن جەكە كەسٸپ اشىپ, نەتيجەسٸن كٶرسەتۋ كەرەگٸن ايتتى, دەپ حابارلايدى ult.kz.

بۇعان دەيٸن ەلەۋمەتتٸك جەلٸدە تانىمال ٶنەر يەلەرٸنٸڭ بيزنەسٸنە قاتىستى سىن ايتىلعان بولاتىن. جەلٸ قولدانۋشىسىنىڭ پٸكٸرٸنشە, كەيبٸر جۇلدىزدار كەسٸپ جٷرگٸزۋدە ٶزدەرٸنٸڭ تانىمالدىعىنا ارقا سٷيەپ, قىزمەت كٶرسەتۋ ساپاسى مەن تازالىق مەسەلەسٸنە جەتكٸلٸكتٸ كٶڭٸل بٶلمەيدٸ.

سىنعا ٸلٸككەندەردٸڭ قاتارىندا پروديۋسەر گٷلزيرا ايداربەكوۆا, ەنشٸ جازيرا بايىربەكوۆا جەنە اكتريسا ەرٸ تەلەجٷرگٸزۋشٸ اشا ماتاي بار.

اتالعان پٸكٸر گٷلزيرا ايداربەكوۆانىڭ نازارىنان تىس قالمادى. پروديۋسەر ەلەۋمەتتٸك جەلٸدەگٸ پاراقشاسىندا جاۋاپ جارييالاپ, سىن ايتقان ماماننىڭ ەرەكەتٸن كٶپشٸلٸك نازارىن اۋدارۋعا باعىتتالعان قادام دەپ باعالادى.

"بوياۋشى, بوياۋشى دەگەنگە ساقالىن بوياپتى دەگەندەي, اقىلشى بولىپ ەلدٸ تاڭعالدىرىپ, اتاعى بار ادامداردىڭ ارتىنان سٶيلەپ, حايپ جيناپ, پودپيسچيك كٶبەيتپەي-اق قويشى. بٸزدٸڭ دٷكەننٸڭ تازالىعىنداي دٷكەن اشىپ, جاساپ كٶر الدىمەن",  – دەپ جازدى ول.

ايتا كەتەيٸك, نازگٷل سەتباەۆا قازاقستاندىق جۇلدىزداردىڭ بيزنەسٸن سىنعا الدى.

گٷلزيرا ايداربەكوۆا كٸم?

گٷلزيرا ايداربەكوۆا – قازاقستاندىق تانىمال پروديۋسەر, كەسٸپكەر ەرٸ ەنشٸ قايرات نۇرتاستىڭ اناسى. ول 1968 جىلى 12 سەۋٸردە تٷركٸستان ٶڭٸرٸندە دٷنيەگە كەلگەن. بالالىق شاعى شورناق اۋىلىندا ٶتكەن. وتباسىنداعى سەگٸز بالانىڭ جەتٸنشٸسٸ بولىپ ٶسكەن.

گٷلزيرا ايداربەكوۆا جاستايىنان ەڭبەككە ارالاسىپ, وتباسىنا كٶمەكتەسۋ ٷشٸن گازەت تاراتقان. كەيٸن الماتى قالاسىندا جۇمىس ٸستەپ, ساۋدا سالاسىندا تەجٸريبە جيناعان. جۇبايى – نۇرتاس ايداربەكوۆ. ەرلٸ-زايىپتىلار قايرات, ايان جەنە زاڭعار ەسٸمدٸ ٷش ۇل تەربيەلەپ ٶسٸرگەن.

ول كٶپشٸلٸككە قايرات نۇرتاستىڭ پروديۋسەرٸ رەتٸندە تانىلدى. 2008 جىلى ۇلىمەن بٸرگە Kairat Nurtas Production پروديۋسەرلٸك ورتالىعىن قۇرعان. ەنشٸنٸڭ كونتسەرتتەرٸن ۇيىمداستىرىپ, ساحنالىق يميدجٸن قالىپتاستىرۋعا جەنە شىعارماشىلىعىن ناسيحاتتاۋعا اتسالىسقان.

سونىمەن قاتار گٷلزيرا ايداربەكوۆا كينو سالاسىندا دا ەڭبەك ەتٸپ, «ارمان» فيلمٸنٸڭ پروديۋسەرلەرٸنٸڭ بٸرٸ بولدى. كەسٸپكەرلٸكپەن دە اينالىسىپ, كيٸم ساۋداسى باعىتىندا جۇمىس ٸستەيدٸ. 2025 جىلى قايرات نۇرتاستىڭ پروديۋسەرلٸك قىزمەتٸن ۇلىنىڭ ٶزٸنە تاپسىرعانىن مەلٸمدەدٸ.