Halyqaralyq boks federatsiiasy (IBF) orta salmaqtaǵy boksshylar reitinginiń jańa nusqasyn jariialady, dep habarlaidy Sports.kz saity.
Ótken jyldyń jeltoqsan aiynda Polsha sportshysy Kamil Sheremetany (21-1, 5 KO) nokaýtqa jiberip, titýlyn sátti qorǵap shyqqan qazaqstandyq boksshy Gennadii Golovkin (41-1-1, 36 KO) atalǵan sanattaǵy álem chempiony bolyp tabylady.
Reitingtiń jańartylǵan relizinde alǵashqy eki oryn bos. GGG-men judyryqtasqansha tizimde úshinshi orynda bolǵan Sheremeta onynshy orynǵa syrǵydy, al onyń ornyn Germaniia ókili Patrik Voitsitski (14-0-1, 5 KO) basqan. Golovkinniń bolýy múmkin qarsylasy, meksikalyq Haime Mýngiia (36-0, 29 KO) tizimde sodan keiin tur.
Atap óteiik, IBF ázirge Golovkin men Voinitskidiń jekpe-jegin resmi túrde belgilegen joq.
IBF-tiń orta salmaqtaǵy TOP-15 reitinginde sondai-aq Qazaqstannyń taǵy úsh ókili men bir týmasy bar: Meiirim Nursultanov (14-0, 8 KO) – 9-shy oryn, Jánibek Álimhanuly (9-0, 5 KO) – 11-shi oryn, al Germaniia úshin ringke shyǵyp júrgen Anatolii Muratov (22-2-1, 15 KO) – 13-shi jáne Qanat Islam (27-0, 21 KO) — 14-shi oryn.
