گولوۆكين ٶز تيتۋلىنا ٷمٸتكەردٸڭ ەسٸمٸن بٸلدٸ

حالىقارالىق بوكس فەدەراتسيياسى (IBF) ورتا سالماقتاعى بوكسشىلار رەيتينگٸنٸڭ جاڭا نۇسقاسىن جارييالادى, دەپ حابارلايدى Sports.kz سايتى.

ٶتكەن جىلدىڭ جەلتوقسان ايىندا پولشا سپورتشىسى كاميل شەرەمەتانى (21-1, 5 كو) نوكاۋتقا جٸبەرٸپ, تيتۋلىن سەتتٸ قورعاپ شىققان قازاقستاندىق بوكسشى گەنناديي گولوۆكين (41-1-1, 36 كو) اتالعان ساناتتاعى ەلەم چەمپيونى بولىپ تابىلادى. 

رەيتينگتٸڭ جاڭارتىلعان رەليزٸندە العاشقى ەكٸ ورىن بوس. GGG-مەن جۇدىرىقتاسقانشا تٸزٸمدە ٷشٸنشٸ ورىندا بولعان شەرەمەتا ونىنشى ورىنعا سىرعىدى, ال ونىڭ ورنىن گەرمانييا ٶكٸلٸ پاتريك ۆويتسيتسكي (14-0-1, 5 كو) باسقان. گولوۆكيننٸڭ بولۋى مٷمكٸن قارسىلاسى, مەكسيكالىق حايمە مۋنگييا (36-0, 29 كو) تٸزٸمدە سودان كەيٸن تۇر. 

اتاپ ٶتەيٸك, IBF ەزٸرگە گولوۆكين مەن ۆوينيتسكيدٸڭ جەكپە-جەگٸن رەسمي تٷردە بەلگٸلەگەن جوق. 

IBF-تٸڭ ورتا سالماقتاعى توپ-15 رەيتينگٸندە سونداي-اق قازاقستاننىڭ تاعى ٷش ٶكٸلٸ مەن بٸر تۋماسى بار: مەيٸرٸم نۇرسۇلتانوۆ (14-0, 8 كو) – 9-شى ورىن, جەنٸبەك ەلٸمحانۇلى (9-0, 5 كو) – 11-شٸ ورىن, ال گەرمانييا ٷشٸن رينگكە شىعىپ جٷرگەن اناتوليي مۇراتوۆ (22-2-1, 15 كو) – 13-شٸ جەنە قانات يسلام (27-0, 21 كو) — 14-شٸ ورىن.