Qazaqstandyq boksshy Gennadii Golovkin (38-1-1, 34 KO) men kanadalyq Stiv Rolls (19-0, 10 KO) Los-Andjeleste (Kaliforniia shtaty, AQSh) ekinshi ret baspasóz máslihatyn ótkizdi, dep habarlaidy Sports.kz.
Golovkin 8 maýsym kúni «tamasha shoý» syilaitynyn taǵy da atap ótti, sondai-aq Rollsty qarsylas retinde tańdaýy kezdeisoq emestigin tilge tiek etti. «Stiv osy jekpe-jekke laiyqty. Menińshe, ol bul jekpe-jek úshin qolynan kelgenniń bárin jasaǵan birden-bir boksshy boldy, sondyqtan da shaqyrtýdy qabyl aldy», - dedi Golovkin.
Rolls, óz kezeginde, jekpe-jekte jeńiske jetý úshin de qolynan kelgenniń bárin jasaitynyn jetkizdi.
Baspasóz máslihatynan keiin Golovkin men Rolls dástúrli kóz arbasý rásimin ótkizdi. Olardyń jekpe-jegi 8 maýsym kúni Niý-Iorktegi Madison Square Garden arenasynda ótedi.
Eske salsaq, buǵan deiin Niý-Iorkte qazaqstandyq Gennadii Golovkin (38-1-1, 34 KO) men kanadalyq Stiv Rolls (19-0, 10 KO) jekpe-jek aldynda kóz arbasqan bolatyn.
