قازاقستاندىق بوكسشى گەنناديي گولوۆكين (38-1-1, 34 كو) مەن كانادالىق ستيۆ روللس (19-0, 10 كو) لوس-اندجەلەستە (كاليفورنييا شتاتى, اقش) ەكٸنشٸ رەت باسپاسٶز مەسليحاتىن ٶتكٸزدٸ, دەپ حابارلايدى Sports.kz.
گولوۆكين 8 ماۋسىم كٷنٸ «تاماشا شوۋ» سىيلايتىنىن تاعى دا اتاپ ٶتتٸ, سونداي-اق روللستى قارسىلاس رەتٸندە تاڭداۋى كەزدەيسوق ەمەستٸگٸن تٸلگە تيەك ەتتٸ. «ستيۆ وسى جەكپە-جەككە لايىقتى. مەنٸڭشە, ول بۇل جەكپە-جەك ٷشٸن قولىنان كەلگەننٸڭ بەرٸن جاساعان بٸردەن-بٸر بوكسشى بولدى, سوندىقتان دا شاقىرتۋدى قابىل الدى», - دەدٸ گولوۆكين.
روللس, ٶز كەزەگٸندە, جەكپە-جەكتە جەڭٸسكە جەتۋ ٷشٸن دە قولىنان كەلگەننٸڭ بەرٸن جاسايتىنىن جەتكٸزدٸ.
باسپاسٶز مەسليحاتىنان كەيٸن گولوۆكين مەن روللس دەستٷرلٸ كٶز ارباسۋ رەسٸمٸن ٶتكٸزدٸ. ولاردىڭ جەكپە-جەگٸ 8 ماۋسىم كٷنٸ نيۋ-يوركتەگٸ Madison Square Garden ارەناسىندا ٶتەدٸ.
ەسكە سالساق, بۇعان دەيٸن نيۋ-يوركتە قازاقستاندىق گەنناديي گولوۆكين (38-1-1, 34 كو) مەن كانادالىق ستيۆ روللس (19-0, 10 كو) جەكپە-جەك الدىندا كٶز ارباسقان بولاتىن.
