«VD Stroy Engineering» كومپانيياسىنىڭ باسشىسى ازامات ٷسٸمبەكوۆ ٶزٸنە قاتىستى ايتىلعان ايىپتاۋلارعا العاش رەت پٸكٸر بٸلدٸرٸپ, كومپانييانىڭ پرەزيدەنتتٸڭ تۋىستارىمەن بايلانىسى بار دەگەن قاۋەسەتكە جاۋاپ بەردٸ, دەپ حابارلايدى ult.kz ulysmedia-عا سٸلتەمە جاساپ.
تٸلشٸ ازامات ٷسٸمبەكوۆپەن «VD Stroy Engineering» كومپانيياسى تۋرالى جارييالانىمدارىمەن بايلانىستى جۋرناليست بوتاگٶز وماروۆاعا قارسى قوزعالعان قىلمىستىق ٸس تۋرالى جەنە بيزنەسمەن مەن جۇمىسشىلار اراسىنداعى داۋ, پرەزيدەنت تۋىستارىمەن بايلانىسىنا قاتىستى قاۋەسەت, جەنە ميلليونداعان قاراجات تۇراتىن جوبالار تۋرالى ەڭگٸمەلەسكەن ەكەن.
ٶزٸن اقتٶبەلٸك قۇرىلىسشىنىڭ بالاسىمىن دەپ تانىستىرعان ٷسٸمبەكوۆ بيزنەسٸن وسى سالادان باستاپ, اقتٶبەدە تٷرلٸ جوبالالارعا ات سالىسقانىن ايتادى.
«مەكتەپتەر مەن زاۋىتتار سالدىق. كەيٸن تۇرعىنٷيلەر سالا باستادىق. اقتٶبەدە ٶتە كٶپ تۇرعىنٷي سالدىق. سوسىن بيزنەسٸمٸز كەڭەيٸپ, اتىراۋ وبلىسىندا, ورال, اقتاۋ قالالارىندا قۇرىلىس جٷرگٸزدٸك», – دەگەن ازامات ٷسٸمبەكوۆ مەملەكەتتٸك تەندەرلەرمەن قاتار جەكە تاپسىرىستار دا الاتىندارىن ايتتى.
2014 جىلدان بەرٸ «RG» كومپانيياسىمەن جەنە رەسەيدٸڭ بٸرقاتار كومپانييالارىمەن جۇمىس ٸستەگەندەرٸن جەتكٸزدٸ.
«ەسٸرەسە پاندەمييا كەزٸندە رەسەيلٸكتەر لوكداۋن كەسٸرٸنەن كەلە الماعان كەزدە ٶزٸمٸز مونتاج جۇمىستارىن, ٸسكە قوسۋ-باپتاۋ جۇمىستارىن ٸستەپ, كٶپ تەجٸريبە جينادىق», – دەدٸ ول.
ازامات ٷسٸمبەكوۆ 2023 جىلى تامىزدا «VD Stroy Engineering» كومپانيياسىن ارمان جەركەەۆتەن ساتىپ العانىن ايتىپ وتىر. دەگەنمەن قانشا سوماعا العانىن «كوممەرتسييالىق قۇپييا» دەپ ايتپادى.
كومپانييا باسشىسى «ايتپا, بوتاگٶز!» telegram ارناسىنىڭ اۆتورى, جۋرناليست بوتاگٶز وماروۆامەن اتالعان كومپانيياعا قاتىستى جازبا شىققاننان كەيٸن تانىسقانىن ايتتى.
«شاتاسپاسام اقپان ايىندا تانىستىم. بٸرٸنشٸ جازبا شىقتى, سوسىن ەكٸنشٸسٸ شىقتى, ٷشٸنشٸ جازبا شىققان كەزدە جۋرناليستپەن بايلانىسقا شىقتىم. ول ٶزٸنٸڭ روليگٸندە سٶيلەگەن «بٸز قارىز» دەگەن جۇمىسشىلارمەن جەكە كەزدەسۋ ۇيىمداستىرۋدى سۇرادى. سوسىن بٸز كەزدەسٸپ, سٶيلەستٸك. ادامدار مەنٸ جەكە جەنە زاڭدى تۇلعا رەتٸندە ٶزدەرٸنە قارىز ەمەس ەكەنٸمدٸ ايتتى. بٸر قوسالقى مەردٸگەر مەن ەكٸنشٸسٸ اراسىندا ٶزارا داۋ-داماي بارىن جەتكٸزدٸ. بٸز بوتاگٶز حانىمعا ەشكٸمگە قارىز ەمەس ەكەنٸمٸز تۋرالى بارلىق دەلەلدٸ كٶرسەتتٸك», – دەپ وتىر ازامات ٷسٸمبەكوۆ.
ەسكە سالساق, بۇعان دەيٸن جۋرناليست بوتاگٶز وماروۆا «كٶرٸنەۋ جالعان اقپارات تاراتۋ» ٸسٸ بويىنشا سوت شەشٸمٸمەن ٷيقاماققا الىنعانىن حابارلاعان بولاتىنبىز. ول ٶزٸنٸڭ «ايتپا, بوتاگٶز!» telegram ارناسىنا جارييالاعان ماتەريالدىندا «پرەزيدەنتتٸڭ ات قورالارى» جايلى سٶز قوزعالعان.
ٷسٸمبەكوۆتٸڭ «VD Stroy Engineering»-تٸ ساتىپ العاننان كەيٸن العان العاشقى جوباسى دەل وسى داۋلى بولعان اتقورا كٶرٸنەدٸ.
ٷسٸمبەكوۆتٸڭ سٶزٸنشە قۇرىلىس 2023 جىلى تامىزدا باستالىپ, 2024 جىلى مامىردا اياقتالعان.
«Capital Engineering» قانداي دا بٸر جۇمىستارعا «رەمستروي-1» كومپانيياسىن تارتقان جەنە ولاردىڭ اراسىندا قانداي دا بٸر شەشٸلمەگەن داۋ بولعان. ول داۋ ٷش جىلعا سوزىلعان. بٸراق بٸز ول تۋرالى بٸلمەدٸك. سەرييالى جارييالىمداردان كەيٸن بٸز ولارمەن كەزدەسٸپ, سٶيلەسٸپ مەسەلەنٸ انىقتاي باستادىق. بٸز بۇل ٸستە ٶزارا كەلٸسٸمگە كەلۋلەرٸ ٷشٸن, كەلمەسە زاڭ اياسىندا شەشۋلەرٸ ٷشٸن زاڭگەرلەردٸ, ينجەنەرلەر ۇسىنباق بولدىق. سەبەبٸ ولار ٷشٸن جالاقى الماعان جۇمىسشىلار زارداپ شەگٸپ جاتتى.
«جۇمسارتىپ ايتپاساق, بۇل – بوپسالاۋ. 600 ملن. تەڭگە وسىنداي سەرييالى جارييالىمدار ارقىلى الماقشى بولدى. بوتاگٶز حانىمنىڭ ٶزٸ ەستٸدٸ. تۋرا ماعىناسىندا: «ٶتە قاتتى كەشٸرٸم سۇرايمىن» دەپ ايتتى. جەنە جازبالاردى قالاي ٶشٸرەتٸنٸن تٷسٸنۋ ٷشٸن بٸر تەۋلٸك ويلاناتىنىنا ۋەدە بەردٸ», – دەگەن «VD Stroy Engineering» كومپانيياسى باسشىسى ٶزٸنٸڭ ەشكٸمگە قارىز ەمەس ەكەنٸنە بوتاگٶز وماروۆانىڭ كٶزٸ جەتكەنٸن, بٸراق سوعان قاراماستان جۋرناليست جازبالارىن جالعاستىرا بەرگەنٸن ايتىپ وتىر.
«مەنٸڭ ونى سوتتاتۋ ماقساتىم جوق. ول مۇنى ەدەيٸ ٸستەگەنٸن مويىنداسا دەيمٸن. ەگەر بوتاگٶزدٸ جاڭىلىستىرسا, ول تۋرالى اشىق ايتسىن», – دەيدٸ ازامات ٷسٸمبەكوۆ.
ازامات ٷسٸمبەكوۆتٸڭ بيزنەسٸن مەملەكەت باسشىسىنىڭ تۋىستارىمەن بايلانىستىرۋ قانشالىقتى شىندىققا جاناسادى? بۇل تۋرالى سۇراققا جاۋاپ بەرگەن «VD Stroy Engineering» باسشىسى پرەزيدەنتتٸ ٶمٸرٸندە كٶرمەگەنٸن, تۋىستارىمەن تانىس ەمەس ەكەنٸن ايتتى.
«مەن ول كٸسٸنٸڭ ساياساتىن قولدايمىن, بٸراق ول كٸسٸنٸ ٶمٸرٸمدە كٶرمەگەنمٸن, اتى اتالىپ جاتقان تۋىستارىن دا تانىمايمىن», – دەپ وتىر ول.
