Gennadii Golovkinniń bapkeri Abel Sanches onyń DAZN aiasyndaǵy alǵashqy jekpe-jegi tájiribeli boksshymen ótetinin aitty. Óitkeni Golovkin qyrkúiekte Saýl Alvarespen (51-1-2, 35 KO) judyryqtasýǵa daiyndalyp jatyr, dep habarlaidy «SPORTINFORM» portaly vringe.com saityna silteme jasap.
«Bizge tájiribeli qarsylas kerek, óitkeni Golovkin qyrkúiekte Alvares nemese Mýngýiiamen kezdesedi. Sol úshin ol naǵyz babynda bolýy kerek», - deidi Abel Sanches.
Golovkin úshin basty maqsat - Alvarespen úshinshi jekpe-jek bolyp tur.
«Menińshe, jankúierler de, sarapshylar da úshinshi jekpe-jekti kórgisi keledi. Óitkeni olar Golovkin men Alvaresti orta salmaqtaǵy álemniń úzdik boksshylary dep sanaidy. «Kanelo» Djeikobstan ótip, biz maýsymda jeńiske jetsek, barlyǵy da Alvares tarapynyń enshisinde bolady. Olardyń úshinshi jekpe-jekti qalaityn-qalamaitynyn sonda biletin bolamyz», - deidi Sanches.
«Biraq tek «Kanelo» emes, basqa boksshylar da bar. Másele tek chempiondyq belbeýlerdiń bolýynda ǵana emes, jekpe-jek te eldi qyzyqtyratyndai bolýy kerek», - dedi ol.
