گەنناديي گولوۆكيننٸڭ باپكەرٸ ابەل سانچەس ونىڭ DAZN اياسىنداعى العاشقى جەكپە-جەگٸ تەجٸريبەلٸ بوكسشىمەن ٶتەتٸنٸن ايتتى. ٶيتكەنٸ گولوۆكين قىركٷيەكتە ساۋل الۆارەسپەن (51-1-2, 35 كو) جۇدىرىقتاسۋعا دايىندالىپ جاتىر, دەپ حابارلايدى «SPORTINFORM» پورتالى vringe.com سايتىنا سٸلتەمە جاساپ.
«بٸزگە تەجٸريبەلٸ قارسىلاس كەرەك, ٶيتكەنٸ گولوۆكين قىركٷيەكتە الۆارەس نەمەسە مۋنگۋييامەن كەزدەسەدٸ. سول ٷشٸن ول ناعىز بابىندا بولۋى كەرەك», - دەيدٸ ابەل سانچەس.
گولوۆكين ٷشٸن باستى ماقسات - الۆارەسپەن ٷشٸنشٸ جەكپە-جەك بولىپ تۇر.
«مەنٸڭشە, جانكٷيەرلەر دە, ساراپشىلار دا ٷشٸنشٸ جەكپە-جەكتٸ كٶرگٸسٸ كەلەدٸ. ٶيتكەنٸ ولار گولوۆكين مەن الۆارەستٸ ورتا سالماقتاعى ەلەمنٸڭ ٷزدٸك بوكسشىلارى دەپ سانايدى. «كانەلو» دجەيكوبستان ٶتٸپ, بٸز ماۋسىمدا جەڭٸسكە جەتسەك, بارلىعى دا الۆارەس تاراپىنىڭ ەنشٸسٸندە بولادى. ولاردىڭ ٷشٸنشٸ جەكپە-جەكتٸ قالايتىن-قالامايتىنىن سوندا بٸلەتٸن بولامىز», - دەيدٸ سانچەس.
«بٸراق تەك «كانەلو» ەمەس, باسقا بوكسشىلار دا بار. مەسەلە تەك چەمپيوندىق بەلبەۋلەردٸڭ بولۋىندا عانا ەمەس, جەكپە-جەك تە ەلدٸ قىزىقتىراتىنداي بولۋى كەرەك», - دەدٸ ول.
