Orta salmaqtaǵy burynǵy álem chempiony Gennadii Golovkin meksikalyq bapkeri Abel Sanchespen jumysyn toqtatty, dep habarlaidy "Ult aqparat".
«Men ózim úshin, mansabym úshin mańyzdy sheshim qabyldaǵanymdy jetkizgim keledi. Jetistikterime súiene otyryp, ózimdi jetildire túskim keledi. Sondyqtan endi Abel Sanchespen jattyǵý ótkizbeimin. Bul men úshin ońai sheshim bolǵan joq, ári munyń Abeldiń kásibi qabiletine de esh qatysy joq. Ol - tamasha bapker, jumysyna adal, Dańq zalyna aty jazylǵan bapker. Jańa bapkerim týraly keiinirek habarlaimyn. Al búgin boksta bergen sabaqtary úshin Abelge alǵys aitamyn», - dep jazdy qazaqstandyq boksshy Instagram paraqshasyna.
Eske sala keteiik, sarapshylar byltyr Golovkin men Mýrat Gassievtiń jeńilisinen keiin Abel Sanchestiń biliktiligin synǵa ala bastaǵan bolatyn. Gennadii Golovkin Sanchespen 2010 jyldan beri jattyǵyp keldi.
GGG (38-1-1, 34KO) 8 maýsymda Niý-Iorktegi (AQSh) Madison Square Garden arenasynda kanadalyq boksshy Stiv Rollspen (19-0, 10 KO) kezdesedi.
