Germaniianyń Miýnster atty qalasynda avtomobil jaiaý júrginshilerdi qaǵyp ketti, dep habarlaidy QazAqparat tilshisi.
Qala politsiiasy óziniń Twitter-degi mikroblogynda atalǵan oqiǵanyń saldarynan mert bolǵandar da zardap shekkender de bar ekendigin jazdy jáne qalyń kópshilikti Miýnster qalasynyń ortalyǵyna barmai tura turýdy surady.
Spiegel jýrnalynyń jazýynsha, bilik ókilderi bul oqiǵany terakt dep baǵalap otyr. Qylmysker ózin-ózi óltirdi degen de habar bar. Basylymnyń jazýynsha, zardap shekkender sany 30-dy qurap otyr.
Miýnsterdiń ortalyǵyn tártip saqshylary qorshaýǵa alyp, qazir onda keń aýqymdy arnaiy operatsiia júrip jatyr.
Politsiia halyqty tekserilmegen, jalǵan aqparattardy jeli arqyly taratpaýǵa shaqyryp otyr.
