گەرمانييانىڭ ميۋنستەر اتتى قالاسىندا اۆتوموبيل جاياۋ جٷرگٸنشٸلەردٸ قاعىپ كەتتٸ, دەپ حابارلايدى قازاقپارات تٸلشٸسٸ.
قالا پوليتسيياسى ٶزٸنٸڭ Twitter-دەگٸ ميكروبلوگىندا اتالعان وقيعانىڭ سالدارىنان مەرت بولعاندار دا زارداپ شەككەندەر دە بار ەكەندٸگٸن جازدى جەنە قالىڭ كٶپشٸلٸكتٸ ميۋنستەر قالاسىنىڭ ورتالىعىنا بارماي تۇرا تۇرۋدى سۇرادى.
Spiegel جۋرنالىنىڭ جازۋىنشا, بيلٸك ٶكٸلدەرٸ بۇل وقيعانى تەراكت دەپ باعالاپ وتىر. قىلمىسكەر ٶزٸن-ٶزٸ ٶلتٸردٸ دەگەن دە حابار بار. باسىلىمنىڭ جازۋىنشا, زارداپ شەككەندەر سانى 30-دى قۇراپ وتىر.
ميۋنستەردٸڭ ورتالىعىن تەرتٸپ ساقشىلارى قورشاۋعا الىپ, قازٸر وندا كەڭ اۋقىمدى ارنايى وپەراتسييا جٷرٸپ جاتىر.
پوليتسييا حالىقتى تەكسەرٸلمەگەن, جالعان اقپاراتتاردى جەلٸ ارقىلى تاراتپاۋعا شاقىرىپ وتىر.
