Berlinde burynǵy kommýnistik Shyǵys Germaniianyń qaýipsizdik qyzmeti - Shtazi tarihy týraly mýzeidi belgisiz bireýler tonap ketken. Budan birneshe kún buryn Drezdendegi mýzeige túsken urylar ondaǵy baǵaly zergerlik buiymdardy alyp ketken edi.
Berlin politsiiasynyń habarlaýynsha, Shtazi mýzeiine urylar 30 qarasha kúni keshke nemese tún mezgilinde túsken. "Olar áinekti syndyryp, mýzeide turǵan medaldar men baǵaly zattardy alyp ketken" deidi politsiia. Ury túskenin 1 jeltoqsanda tańerteń bir-aq bilgen mýzei qyzmetkerleri politsiiaǵa habarlaǵan.
25 qarashada Drezdendegi burynǵy Saksoniia bileýshileriniń saraiyndaǵy elektr jelisin ishinara aǵytyp tastaǵan urylar mýzeiden 18 ǵasyrdyń baǵaly zattaryn alyp ketken. Qoldy bolǵan qundy jádigerler arasynda Saksoniia koroli Avgýstyń áigili 49 karatty gaýhar tasy da bar.
