بەرليندە بۇرىنعى كوممۋنيستٸك شىعىس گەرمانييانىڭ قاۋٸپسٸزدٸك قىزمەتٸ - شتازي تاريحى تۋرالى مۋزەيدٸ بەلگٸسٸز بٸرەۋلەر توناپ كەتكەن. بۇدان بٸرنەشە كٷن بۇرىن درەزدەندەگٸ مۋزەيگە تٷسكەن ۇرىلار ونداعى باعالى زەرگەرلٸك بۇيىمداردى الىپ كەتكەن ەدٸ.
بەرلين پوليتسيياسىنىڭ حابارلاۋىنشا, شتازي مۋزەيٸنە ۇرىلار 30 قاراشا كٷنٸ كەشكە نەمەسە تٷن مەزگٸلٸندە تٷسكەن. "ولار ەينەكتٸ سىندىرىپ, مۋزەيدە تۇرعان مەدالدار مەن باعالى زاتتاردى الىپ كەتكەن" دەيدٸ پوليتسييا. ۇرى تٷسكەنٸن 1 جەلتوقساندا تاڭەرتەڭ بٸر-اق بٸلگەن مۋزەي قىزمەتكەرلەرٸ پوليتسيياعا حابارلاعان.
25 قاراشادا درەزدەندەگٸ بۇرىنعى ساكسونييا بيلەۋشٸلەرٸنٸڭ سارايىنداعى ەلەكتر جەلٸسٸن ٸشٸنارا اعىتىپ تاستاعان ۇرىلار مۋزەيدەن 18 عاسىردىڭ باعالى زاتتارىن الىپ كەتكەن. قولدى بولعان قۇندى جەدٸگەرلەر اراسىندا ساكسونييا كورولٸ اۆگۋستىڭ ەيگٸلٸ 49 كاراتتى گاۋھار تاسى دا بار.
