Foto: instagram.com/justice_for_aigul
Germaniiada Qazaqstan azamatshasy ek-sýdia Aigúl Sailybaevanyń ólimine bailanysty kúdikke ilingen Natalia Dontsova men onyń uly Aleksandr Dontsovtyń qazir Máskeýde turyp, jumys isteitini belgili boldy. Olardy 112 Telegram arnasynyń jýrnalisteri anyqtaǵan, dep habarlaidy Ult.kz.
Ekskliýzivti kadrlarda Aleksandr Dontsov kórsetilgen. Ol ózine taǵylǵan aiyptardy tolyq joqqa shyǵaryp, qylmysqa esh qatysy joq ekenin, ózin jala japty dep málimdedi.
Videodan skrinshot
Alaida 112 derekkózine súiensek, 2 aqpanda Aleksandr men Natalia Dontsovtar Máskeý qalasynyń Tergeý komitetinde túsinikteme bergen. Tergeý barysynda Natalia Dontsova Resei Federatsiiasy Konstitýtsiiasynyń 51-babyna súienip, tergeýshimen sóilesýden bas tartqan.
Natalia Dontsovaǵa qatysty Germaniiada qylmystyq is qozǵalǵanymen, ol elden tergeý bastalǵanǵa deiin shyǵyp úlgergen. Kóp uzamai onyń uly Aleksandr da Reseige kóship kelgen. Qazirgi ýaqytta Dontsovtar Natalianyń qart anasymen birge Máskeýde turyp jatyr.
Aita keteiik, 2024 jyly Aigúl Sailybaevanyń asa qatygezdikpen óltirilýi qoǵamdy dúr silkindirgen edi. Bul is halyqaralyq deńgeide úlken rezonans týdyryp, quqyq qorǵaý organdarynyń nazaryn aýdardy.
