فوتو: instagram.com/justice_for_aigul
گەرمانييادا قازاقستان ازاماتشاسى ەك-سۋديا ايگٷل سايلىباەۆانىڭ ٶلٸمٸنە بايلانىستى كٷدٸككە ٸلٸنگەن ناتاليا دونتسوۆا مەن ونىڭ ۇلى الەكساندر دونتسوۆتىڭ قازٸر مەسكەۋدە تۇرىپ, جۇمىس ٸستەيتٸنٸ بەلگٸلٸ بولدى. ولاردى 112 Telegram ارناسىنىڭ جۋرناليستەرٸ انىقتاعان, دەپ حابارلايدى Ult.kz.
ەكسكليۋزيۆتٸ كادرلاردا الەكساندر دونتسوۆ كٶرسەتٸلگەن. ول ٶزٸنە تاعىلعان ايىپتاردى تولىق جوققا شىعارىپ, قىلمىسقا ەش قاتىسى جوق ەكەنٸن, ٶزٸن جالا جاپتى دەپ مەلٸمدەدٸ.
ۆيدەودان سكرينشوت
الايدا 112 دەرەككٶزٸنە سٷيەنسەك, 2 اقپاندا الەكساندر مەن ناتاليا دونتسوۆتار مەسكەۋ قالاسىنىڭ تەرگەۋ كوميتەتٸندە تٷسٸنٸكتەمە بەرگەن. تەرگەۋ بارىسىندا ناتاليا دونتسوۆا رەسەي فەدەراتسيياسى كونستيتۋتسيياسىنىڭ 51-بابىنا سٷيەنٸپ, تەرگەۋشٸمەن سٶيلەسۋدەن باس تارتقان.
ناتاليا دونتسوۆاعا قاتىستى گەرمانييادا قىلمىستىق ٸس قوزعالعانىمەن, ول ەلدەن تەرگەۋ باستالعانعا دەيٸن شىعىپ ٷلگەرگەن. كٶپ ۇزاماي ونىڭ ۇلى الەكساندر دا رەسەيگە كٶشٸپ كەلگەن. قازٸرگٸ ۋاقىتتا دونتسوۆتار ناتاليانىڭ قارت اناسىمەن بٸرگە مەسكەۋدە تۇرىپ جاتىر.
ايتا كەتەيٸك, 2024 جىلى ايگٷل سايلىباەۆانىڭ اسا قاتىگەزدٸكپەن ٶلتٸرٸلۋٸ قوعامدى دٷر سٸلكٸندٸرگەن ەدٸ. بۇل ٸس حالىقارالىق دەڭگەيدە ٷلكەن رەزونانس تۋدىرىپ, قۇقىق قورعاۋ ورگاندارىنىڭ نازارىن اۋداردى.
