Qorǵanys ministrliginiń general-maiory Qairat Kópbaev eki aiǵa úiqamaqqa alyndy. Bul aqparatty Qorǵanys ministrligi rastady, dep habarlaidy "Ult aqparat".
«Jemqorlyqqa qarsy kelisim aiasynda Sybailas jemqorlyqqa qarsy is-qimyl agenttigimen birlese júrgizgen sharalardyń arqasynda QR Qorǵanys ministrliginiń kadrlar departamentiniń burynǵy bastyǵy – general-maior Kópbaev ustalyp, qazir oǵan qatysty sotqa deiingi tergeý amaldary júrgizilip jatyr. Qazirgi ýaqytta general-maior Kópbaevqa qatysty 2 ai merzimge úiqamaqta ustaý bultartpaý sharasy qoldanyldy», - dedi tilshilerge QR Qarýly kúshteri áskeri politsiiasy bas basqarmasy bastyǵynyń orynbasary Beken Shyntileýov.
Onyń aitýynsha, BAQ-ta general-maior Kópbaevtyń kadrlar jáne áskeri bilim departamentin basqaratyny jaily aqparat tarap ketken.
«Bul málimet durys emes. Laýazymdy qyzmet pen áskeri ataǵyna qarai onyń laýazymy – QM kadrlar departamentinde bolǵan. Onyń áskeri bilim departamentine qatysy joq», - dedi Beken Shyntileýov.
Qylmystyq zańnamaǵa sáikes, aitarlyqtai shyǵynǵa 50 AEK-ten bastalatyn (130 myń teńge) soma jatady.
Eske salsaq, QR Qorǵanys ministrliginiń generaly júieli túrde para aldy degen kúdikpen ustalǵany týraly habarlaǵan bolatynbyz.
