قورعانىس مينيسترلٸگٸنٸڭ گەنەرال-مايورى قايرات كٶپباەۆ ەكٸ ايعا ٷيقاماققا الىندى. بۇل اقپاراتتى قورعانىس مينيسترلٸگٸ راستادى, دەپ حابارلايدى "ۇلت اقپارات".
«جەمقورلىققا قارسى كەلٸسٸم اياسىندا سىبايلاس جەمقورلىققا قارسى ٸس-قيمىل اگەنتتٸگٸمەن بٸرلەسە جٷرگٸزگەن شارالاردىڭ ارقاسىندا قر قورعانىس مينيسترلٸگٸنٸڭ كادرلار دەپارتامەنتٸنٸڭ بۇرىنعى باستىعى – گەنەرال-مايور كٶپباەۆ ۇستالىپ, قازٸر وعان قاتىستى سوتقا دەيٸنگٸ تەرگەۋ امالدارى جٷرگٸزٸلٸپ جاتىر. قازٸرگٸ ۋاقىتتا گەنەرال-مايور كٶپباەۆقا قاتىستى 2 اي مەرزٸمگە ٷيقاماقتا ۇستاۋ بۇلتارتپاۋ شاراسى قولدانىلدى», - دەدٸ تٸلشٸلەرگە قر قارۋلى كٷشتەرٸ ەسكەري پوليتسيياسى باس باسقارماسى باستىعىنىڭ ورىنباسارى بەكەن شىنتٸلەۋوۆ.
ونىڭ ايتۋىنشا, باق-تا گەنەرال-مايور كٶپباەۆتىڭ كادرلار جەنە ەسكەري بٸلٸم دەپارتامەنتٸن باسقاراتىنى جايلى اقپارات تاراپ كەتكەن.
«بۇل مەلٸمەت دۇرىس ەمەس. لاۋازىمدى قىزمەت پەن ەسكەري اتاعىنا قاراي ونىڭ لاۋازىمى – قم كادرلار دەپارتامەنتٸندە بولعان. ونىڭ ەسكەري بٸلٸم دەپارتامەنتٸنە قاتىسى جوق», - دەدٸ بەكەن شىنتٸلەۋوۆ.
قىلمىستىق زاڭناماعا سەيكەس, ايتارلىقتاي شىعىنعا 50 اەك-تەن باستالاتىن (130 مىڭ تەڭگە) سوما جاتادى.
ەسكە سالساق, قر قورعانىس مينيسترلٸگٸنٸڭ گەنەرالى جٷيەلٸ تٷردە پارا الدى دەگەن كٷدٸكپەن ۇستالعانى تۋرالى حابارلاعان بولاتىنبىز.
