Ózbekstannyń Qashqadariia oblysynda gaz ballondaryn quiý pýnktinde bolǵan jarylys saldarynan alty adam qaza taýyp, bes adam jaraqat aldy, dep habarlaidy ult.kz.
Oqiǵa 8 maýsym kúni Karshi aýdany aýmaǵyndaǵy turmystyq suiytylǵan gaz ballondaryn toltyrý pýnktinde tirkelgen.
Jergilikti biliktiń málimetinshe, apat ornyna jedel túrde qutqarý qyzmetteri jiberilgen. Órt shamamen 14:05-te oqshaýlanyp, keiin tolyq sóndirilgen.
Jarylys saldarynan eki jeńil avtokólik (Cobalt markaly) jáne gaz tasymaldaýshy kólikter, sondai-aq jer asty otyn rezervýarlary zaqymdanǵan.
Oqiǵanyń naqty sebepterin anyqtaý úshin Ózbekstan úkimeti arnaiy komissiia qurdy. Komissiia zardap shekkenderge kómek kórsetý, apat saldaryn joiý jáne mundai jaǵdailardyń aldyn alý sharalaryn ázirleýmen ainalysady.
