ٶزبەكستاننىڭ قاشقادارييا وبلىسىندا گاز باللوندارىن قۇيۋ پۋنكتٸندە بولعان جارىلىس سالدارىنان التى ادام قازا تاۋىپ, بەس ادام جاراقات الدى, دەپ حابارلايدى ult.kz.
وقيعا 8 ماۋسىم كٷنٸ كارشي اۋدانى اۋماعىنداعى تۇرمىستىق سۇيىتىلعان گاز باللوندارىن تولتىرۋ پۋنكتٸندە تٸركەلگەن.
جەرگٸلٸكتٸ بيلٸكتٸڭ مەلٸمەتٸنشە, اپات ورنىنا جەدەل تٷردە قۇتقارۋ قىزمەتتەرٸ جٸبەرٸلگەن. ٶرت شامامەن 14:05-تە وقشاۋلانىپ, كەيٸن تولىق سٶندٸرٸلگەن.
جارىلىس سالدارىنان ەكٸ جەڭٸل اۆتوكٶلٸك (Cobalt ماركالى) جەنە گاز تاسىمالداۋشى كٶلٸكتەر, سونداي-اق جەر استى وتىن رەزەرۆۋارلارى زاقىمدانعان.
وقيعانىڭ ناقتى سەبەپتەرٸن انىقتاۋ ٷشٸن ٶزبەكستان ٷكٸمەتٸ ارنايى كوميسسييا قۇردى. كوميسسييا زارداپ شەككەندەرگە كٶمەك كٶرسەتۋ, اپات سالدارىن جويۋ جەنە مۇنداي جاعدايلاردىڭ الدىن الۋ شارالارىن ەزٸرلەۋمەن اينالىسادى.
