Foto: Sý resýrstary jáne irrigatsiia ministrligi
Qyzylorda oblysyndaǵy Kókaral bógetinde sý resýrstary jáne irrigatsiia ministri Nurjan Nurjigitov dúniejúzilik banktiń Eýropa jáne Ortalyq Aziia boiynsha aimaqtyq direktory Sameh Vahbamen kezdesti. Kezdesýde taraptar Soltústik Aral teńizin saqtaýǵa arnalǵan jobanyń ekinshi kezeńin iske asyrý máselesin talqylady, dep habarlaidy ministrlik.
Qazirgi ýaqytta sý resýrstary jáne irrigatsiia ministrligi jobanyń ekinshi kezeńine qatysty tehnikalyq-ekonomikalyq negizdemeni ázirleý jumystaryn aiaqtaýǵa jaqyn. Onda Kókaral bógetin qaita jańǵyrtý jáne Baltyq júiesi boiynsha teńiz deńgeiin 44 metrge deiin kóterý, sondai-aq Qyzylorda oblysy Aral aýdanyndaǵy Aqshataý jáne Qamystybas kólder júielerindegi sý resýrstaryn turaqtandyrý úshin Amanótkel aýyly mańynda gidrotorap salý qarastyrylǵan.
"Soltústik Araldyń sý aidynynyń aýdany 3913 sharshy shaqyrymǵa deiin ulǵaiyp, sý kólemi 34 tekshe shaqyrymǵa jetedi. Teńizdiń bul deńgeige deiin tolýy úshin 4-5 jyl qajet. Tańdalǵan nusqa merzim men naqty jaǵdailardy, sonyń ishinde Syrdariia ózeni basseininiń jaǵdaiyn eskere otyryp, eń qolaily sheshim retinde anyqtaldy", – dedi Sý resýrstary jáne irrigatsiia ministri Nurjan Nurjigitov.
Sameh Vahba óz kezeginde dúniejúzilik bank Soltústik Araldyń saqtalýyna aldaǵy ýaqytta da qatysýǵa múddeli ekenin jetkizdi.
Aita keteiik, halyqaralyq qarjy uiymy jobanyń tehnikalyq-ekonomikalyq negizdemesin ázirleýge grant bólgen.
"Búgin biz balyq óńdeý zaýytyn aralap, jobany júzege asyrǵannan keiin óńirde qanshama jumys orny ashylatynyn óz kózimizben kórdik. Sonymen qatar aýyl sharýashylyǵy, mal sharýashylyǵy jáne týrizm siiaqty basqa salalarda da jumyspen qamtý múmkindikteri paida bolady. Osylaisha bul joba búkil óńir úshin jańa ekonomikalyq múmkindikterge jol ashady. Soltústik Araldy saqtaý jobasy biz úshin óte mańyzdy, óitkeni ol búkil álemge tutas bir ekojúieni qalpyna keltirýdiń naqty úlgisin kórsetedi, – dedi dúniejúzilik banktiń Eýropa jáne Ortalyq Aziia boiynsha aimaqtyq direktory Sameh Vahba.
Ministrlik ázirlegen tehnikalyq-ekonomikalyq negizdeme boiynsha saraptama qorytyndysyn alý merzimi 2025 jyldyń jeltoqsan aiyna josparlanǵan.
Eske sala keteiik, jobanyń birinshi kezeńiniń nátijesinde Soltústik Araldaǵy sý kólemi 42%-ke artty, teńiz sýynyń tuzdylyǵy shamamen 4 esege tómendedi, jyl saiynǵy balyq aýlaý kólemi 8 myń tonnaǵa jetti. Sondai-aq teńizdiń qurǵaǵan tabanynyń 870 sharshy shaqyrymy sýǵa tolyp, jel arqyly tuzdardyń taralýy azaidy.
