Ulttyq tólem júiesin 2022 jyldyń 1 shildesinde iske qosý josparlanǵan. Bul týraly QR Ulttyq bankiniń tóraǵasy Ǵalymjan Pirmatov aitty, dep habarlaidy QazAqparat.
«Memleket basshysynyń tapsyrmasyn oryndaý úshin Ulttyq bank 2021 jylǵy qarashada Ulttyq tólem júiesiniń komponentteri – kartochkalyq tranzaktsiialardy óńdeý úshin tólem kartochkalarynyń bankaralyq júiesin jáne mobildi onlain tólemderge qyzmet kórsetý úshin lezdik tólemder júiesin pilottyq rejimde iske qosty», - dedi Ǵalymjan Pirmatov Úkimettiń keńeitilgen otyrysynda.
Onyń atap ótýinshe, ulttyq tólem júiesiniń jumys isteýine qajetti normativtik-quqyqtyq baza ázirlendi.
Júieni tolyq kólemde iske qosý osy jylǵy 1 shildege josparlanyp otyr.
«2021 jyly Ulttyq bank tsifrlyq teńgeni engizý jónindegi pilottyq jobaǵa bastamashy boldy. Qazirgi ýaqytta platformanyń prototipin ázirleý aiaqtaldy. 2021 jylǵy jeltoqsanda pilottyq jobanyń nátijesi boiynsha qorytyndy baiandama jariialandy. Biyl paida men shyǵasylardy baǵalai otyryp, tsifrlyq teńgeni engizý modeli boiynsha qorytyndy sheshim ázirlenetin bolady», - dedi UB tóraǵasy.
