ۇلتتىق تٶلەم جٷيەسٸن 2022 جىلدىڭ 1 شٸلدەسٸندە ٸسكە قوسۋ جوسپارلانعان. بۇل تۋرالى قر ۇلتتىق بانكٸنٸڭ تٶراعاسى عالىمجان پٸرماتوۆ ايتتى, دەپ حابارلايدى قازاقپارات.
«مەملەكەت باسشىسىنىڭ تاپسىرماسىن ورىنداۋ ٷشٸن ۇلتتىق بانك 2021 جىلعى قاراشادا ۇلتتىق تٶلەم جٷيەسٸنٸڭ كومپونەنتتەرٸ – كارتوچكالىق ترانزاكتسييالاردى ٶڭدەۋ ٷشٸن تٶلەم كارتوچكالارىنىڭ بانكارالىق جٷيەسٸن جەنە موبيلدٸ ونلاين تٶلەمدەرگە قىزمەت كٶرسەتۋ ٷشٸن لەزدٸك تٶلەمدەر جٷيەسٸن پيلوتتىق رەجيمدە ٸسكە قوستى», - دەدٸ عالىمجان پٸرماتوۆ ٷكٸمەتتٸڭ كەڭەيتٸلگەن وتىرىسىندا.
ونىڭ اتاپ ٶتۋٸنشە, ۇلتتىق تٶلەم جٷيەسٸنٸڭ جۇمىس ٸستەۋٸنە قاجەتتٸ نورماتيۆتٸك-قۇقىقتىق بازا ەزٸرلەندٸ.
جٷيەنٸ تولىق كٶلەمدە ٸسكە قوسۋ وسى جىلعى 1 شٸلدەگە جوسپارلانىپ وتىر.
«2021 جىلى ۇلتتىق بانك تسيفرلىق تەڭگەنٸ ەنگٸزۋ جٶنٸندەگٸ پيلوتتىق جوباعا باستاماشى بولدى. قازٸرگٸ ۋاقىتتا پلاتفورمانىڭ پروتوتيپٸن ەزٸرلەۋ اياقتالدى. 2021 جىلعى جەلتوقساندا پيلوتتىق جوبانىڭ نەتيجەسٸ بويىنشا قورىتىندى بايانداما جارييالاندى. بيىل پايدا مەن شىعاسىلاردى باعالاي وتىرىپ, تسيفرلىق تەڭگەنٸ ەنگٸزۋ مودەلٸ بويىنشا قورىتىندى شەشٸم ەزٸرلەنەتٸن بولادى», - دەدٸ ۇب تٶراعاسى.
