Gaagada jetekshi halyqaralyq zańgerlerdiń qatysýymen Pýtindi jáne Reseidiń saiasi jetekshileriniń bárin sottaityn arnaiy tribýnal qurylady. Saiasatkerlerdi Ýkrainaǵa qarsy qylmystary úshin sottamaq, dep habarlady Azattyq.
Tribýnal qurý isin on bir el jaqtady. Sot shamamen bir jyldan soń jumys istei bastaidy.
Arnaiy tribýnal qurý jónindegi ýkrain jumys tobynyń múshesi Oleg Gavrishtiń aitýynsha, tribýnal qurý týraly halyqaralyq kelisim daiyn bolyp qaldy, oǵan qosylǵysy keletin birneshe el bar.
"Halyqaralyq quqyqta ózge elge óktemdik kórsetý qylmystardyń eń irisine jatady. Osynyń ózi óktemdik jasaýǵa qatysqandardy sottaýǵa jetkilikti. Olar Ýkrainadaǵy soǵysty arnaiy áskeri operatsiia dep ataidy, biz aýqymdy basqynshylyq dep qarastyramyz, óitkeni soǵys 2014 jyly bastaldy, al aqpanda basyp kirdi. Bunyń bárin Reseidiń qaýipsizdik keńesi maquldady. Onyń quramyna Pýtin, Shoigý, Lavrov, Patrýshev, Bortnikov, Medvedev jáne basqalary kiredi. Bular - osyndai qylmys úshin jazalanýy múmkin alǵashqy úmitkerler", - deidi Gavrish.
Olardyń kinási dáleldense, árqaisy 30 jyldan bastap ómirlik túrme jazasyn alady. Arnaiy tribýnaldy qurýdy Baltyq elderiniń bári, Polsha, Ulybritaniia, Chehiia, Slovakiia, Rýmyniia qoldap otyr.
"Bul jerde Reseidiń pikiri mańyzdy bolmai qalady. Tribýnal qurylsa, kelisimge qosylǵan memleketter Reseidiń qatysýynsyz-aq olardyń jetekshilerin sottai alady. Resei jetekshileri osy elderge barsa, onda kelisimge qosylǵan elder olardy ustap, sottai bastaidy", - deidi Gavrish.
