گااگادا جەتەكشٸ حالىقارالىق زاڭگەرلەردٸڭ قاتىسۋىمەن پۋتيندٸ جەنە رەسەيدٸڭ ساياسي جەتەكشٸلەرٸنٸڭ بەرٸن سوتتايتىن ارنايى تريبۋنال قۇرىلادى. ساياساتكەرلەردٸ ۋكرايناعا قارسى قىلمىستارى ٷشٸن سوتتاماق, دەپ حابارلادى ازاتتىق.
تريبۋنال قۇرۋ ٸسٸن ون بٸر ەل جاقتادى. سوت شامامەن بٸر جىلدان سوڭ جۇمىس ٸستەي باستايدى.
ارنايى تريبۋنال قۇرۋ جٶنٸندەگٸ ۋكراين جۇمىس توبىنىڭ مٷشەسٸ ولەگ گاۆريشتٸڭ ايتۋىنشا, تريبۋنال قۇرۋ تۋرالى حالىقارالىق كەلٸسٸم دايىن بولىپ قالدى, وعان قوسىلعىسى كەلەتٸن بٸرنەشە ەل بار.
"حالىقارالىق قۇقىقتا ٶزگە ەلگە ٶكتەمدٸك كٶرسەتۋ قىلمىستاردىڭ ەڭ ٸرٸسٸنە جاتادى. وسىنىڭ ٶزٸ ٶكتەمدٸك جاساۋعا قاتىسقانداردى سوتتاۋعا جەتكٸلٸكتٸ. ولار ۋكرايناداعى سوعىستى ارنايى ەسكەري وپەراتسييا دەپ اتايدى, بٸز اۋقىمدى باسقىنشىلىق دەپ قاراستىرامىز, ٶيتكەنٸ سوعىس 2014 جىلى باستالدى, ال اقپاندا باسىپ كٸردٸ. بۇنىڭ بەرٸن رەسەيدٸڭ قاۋٸپسٸزدٸك كەڭەسٸ ماقۇلدادى. ونىڭ قۇرامىنا پۋتين, شويگۋ, لاۆروۆ, پاترۋشەۆ, بورتنيكوۆ, مەدۆەدەۆ جەنە باسقالارى كٸرەدٸ. بۇلار - وسىنداي قىلمىس ٷشٸن جازالانۋى مٷمكٸن العاشقى ٷمٸتكەرلەر", - دەيدٸ گاۆريش.
ولاردىڭ كٸنەسٸ دەلەلدەنسە, ەرقايسى 30 جىلدان باستاپ ٶمٸرلٸك تٷرمە جازاسىن الادى. ارنايى تريبۋنالدى قۇرۋدى بالتىق ەلدەرٸنٸڭ بەرٸ, پولشا, ۇلىبريتانييا, چەحييا, سلوۆاكييا, رۋمىنييا قولداپ وتىر.
"بۇل جەردە رەسەيدٸڭ پٸكٸرٸ ماڭىزدى بولماي قالادى. تريبۋنال قۇرىلسا, كەلٸسٸمگە قوسىلعان مەملەكەتتەر رەسەيدٸڭ قاتىسۋىنسىز-اق ولاردىڭ جەتەكشٸلەرٸن سوتتاي الادى. رەسەي جەتەكشٸلەرٸ وسى ەلدەرگە بارسا, وندا كەلٸسٸمگە قوسىلعان ەلدەر ولاردى ۇستاپ, سوتتاي باستايدى", - دەيدٸ گاۆريش.
