Búgin fýtzaldan UEFA Chempiondar ligasy elitalyq satysynyń ekinshi týrynda Almatynyń «Qairaty» Italiianyń «Pesaro» komandasynan basym tústi, dep habarlaidy "Ult aqparat".
Kezdesý asa tartysty ótti. Esepti alǵash bolyp almatylyq komanda ashty. Olardyń qatarynan 5-minýtta Edson óz komandasyn alǵa shyǵardy. Odan keiin italiialyq klýb qatarynan úsh gol soǵyp ketti. Aldymen Felipe Tonidandel 10-minýtta tarazy basyn teńestirse, sol minýtta Salas «Pesaro» klýbyn alǵa shyǵardy. Al 22-minýtta Jýlio De Oliveira esepti ulǵaita tústi. Osylaisha italiialyq klýb 3:1 esebimen alǵa shyqty. Budan keiin «Qairat» oiynshylary qatarynan tórt gol soqty. Aldymen 27-minýtta Edson qanjyǵasyn mailasa, odan keiin 28-minýtta Gabriel tarazy basyn teńestirdi. Al 29-minýtta Lýizino «Qairatty» alǵa shyǵarsa, qorytyndy esepti 40-minýtta Birjan Orazov belgiledi. Nátijesinde «Qairat» 5:3 esebimen jeńiske jetti.
Eki týrdyń qorytyndysy boiynsha «Qairat» týrnir kestesinde úsh upaimen úshinshi orynda tur. Dál osyndai upai enshilegen «Pesaro» ekinshi orynda keledi. Kósh basyna 6 upaimen «Mýrsiia El-Poso» komandasy shyqty. Al tórtinshi oryndaǵy «Benfikanyń» enshisinde birde-bir upai joq.
Endi «Qairat» 24 qarashada Portýgaliianyń «Benfika» komandasymen kezdesedi. Búgin S tobynda «Mýrsiia El-Poso» «Benfikany» 4:2 esebimen tize búktirdi.
Sondai-aq, Chempiondar ligasy elitalyq satysynyń V tobynda synǵa túsip jatqan Rýdnyidyń «Aiat» Portýgaliianyń «Sporting» komandasynan 2:5 esebimen jeńilip qaldy. «Aiat» keshe Reseidiń «Tiýmen» komandasynan 0:3 esebimen ese jibergen bolatyn. Qazaqstandyq komanda endi 24 qarashada Horvatiianyń «Novo Vrieme» klýbtarymen sheberlik baiqasady.
Esterińizge sala ketelik , «Qairat» S tobynda synǵa túsedi. Bul oiyndar Almaty qalasynda ótkizilýde. Keshe «Qairat» Ispaniianyń «Mýrsiia El-Poso» komandasynan 1:4 esebimen jeńilip qalǵan edi .
