بٷگٸن فۋتزالدان UEFA چەمپيوندار ليگاسى ەليتالىق ساتىسىنىڭ ەكٸنشٸ تۋرىندا الماتىنىڭ «قايراتى» يتالييانىڭ «پەسارو» كومانداسىنان باسىم تٷستٸ, دەپ حابارلايدى "ۇلت اقپارات".
كەزدەسۋ اسا تارتىستى ٶتتٸ. ەسەپتٸ العاش بولىپ الماتىلىق كوماندا اشتى. ولاردىڭ قاتارىنان 5-مينۋتتا ەدسون ٶز كومانداسىن العا شىعاردى. ودان كەيٸن يتالييالىق كلۋب قاتارىنان ٷش گول سوعىپ كەتتٸ. الدىمەن فەليپە تونيداندەل 10-مينۋتتا تارازى باسىن تەڭەستٸرسە, سول مينۋتتا سالاس «پەسارو» كلۋبىن العا شىعاردى. ال 22-مينۋتتا جۋليو دە وليۆەيرا ەسەپتٸ ۇلعايتا تٷستٸ. وسىلايشا يتالييالىق كلۋب 3:1 ەسەبٸمەن العا شىقتى. بۇدان كەيٸن «قايرات» ويىنشىلارى قاتارىنان تٶرت گول سوقتى. الدىمەن 27-مينۋتتا ەدسون قانجىعاسىن مايلاسا, ودان كەيٸن 28-مينۋتتا گابريەل تارازى باسىن تەڭەستٸردٸ. ال 29-مينۋتتا لۋيزينو «قايراتتى» العا شىعارسا, قورىتىندى ەسەپتٸ 40-مينۋتتا بٸرجان ورازوۆ بەلگٸلەدٸ. نەتيجەسٸندە «قايرات» 5:3 ەسەبٸمەن جەڭٸسكە جەتتٸ.
ەكٸ تۋردىڭ قورىتىندىسى بويىنشا «قايرات» تۋرنير كەستەسٸندە ٷش ۇپايمەن ٷشٸنشٸ ورىندا تۇر. دەل وسىنداي ۇپاي ەنشٸلەگەن «پەسارو» ەكٸنشٸ ورىندا كەلەدٸ. كٶش باسىنا 6 ۇپايمەن «مۋرسييا ەل-پوسو» كومانداسى شىقتى. ال تٶرتٸنشٸ ورىنداعى «بەنفيكانىڭ» ەنشٸسٸندە بٸردە-بٸر ۇپاي جوق.
ەندٸ «قايرات» 24 قاراشادا پورتۋگالييانىڭ «بەنفيكا» كومانداسىمەن كەزدەسەدٸ. بٷگٸن س توبىندا «مۋرسييا ەل-پوسو» «بەنفيكانى» 4:2 ەسەبٸمەن تٸزە بٷكتٸردٸ.
سونداي-اق, چەمپيوندار ليگاسى ەليتالىق ساتىسىنىڭ ۆ توبىندا سىنعا تٷسٸپ جاتقان رۋدنىيدىڭ «ايات» پورتۋگالييانىڭ «سپورتينگ» كومانداسىنان 2:5 ەسەبٸمەن جەڭٸلٸپ قالدى. «ايات» كەشە رەسەيدٸڭ «تيۋمەن» كومانداسىنان 0:3 ەسەبٸمەن ەسە جٸبەرگەن بولاتىن. قازاقستاندىق كوماندا ەندٸ 24 قاراشادا حورۆاتييانىڭ «نوۆو ۆريەمە» كلۋبتارىمەن شەبەرلٸك بايقاسادى.
ەستەرٸڭٸزگە سالا كەتەلٸك , «قايرات» س توبىندا سىنعا تٷسەدٸ. بۇل ويىندار الماتى قالاسىندا ٶتكٸزٸلۋدە. كەشە «قايرات» يسپانييانىڭ «مۋرسييا ەل-پوسو» كومانداسىنان 1:4 ەسەبٸمەن جەڭٸلٸپ قالعان ەدٸ .
