Úziliske deiin komandalar esep asha almady. Biraq Birjan Orazov gol soqqan edi, tóreshi beinebaqylaýdy qaraǵannan keiin goldy esepke alǵan joq.
Birinshi taimda Portýgaliia quramasy jii shabýyldaǵanymen, Qazaqstan fýtzalshylarynyń kei soqqysy óte qaýipti boldy. Aldymen Tainan tepken dop mańdaishaǵa tise, keiin Birjan Orazovtyń soqqysynan keiin portýgaliialyqtardy baǵana qutqaryp qaldy.
Ekinshi taimnyń basynda Anilton Sezar Pani Portýgaliia quramasyn alǵa shyǵardy. Keiin Qazaqstan quramasy shabýyldy shabýylǵa ulastyryp, esepti teńestýge tyrysty. Shabýyldardyń birinde qaqpashy Igitanyń soqqysy taǵy da qaqpa baǵanasyna tidi.
Kezdesýdiń bitýine 40 sekýndtan asa ýaqyt qalǵanda Dáýren Nurǵojin bos qaqpany dál kózdep, tarazy basyn teńestirdi. Komandalar, osylaisha, overtaimǵa aýysty. Bul tusta Dýglas aiyp alańynan dál soqqy jasap, Qazaqstandy alǵa shyǵardy.
Degenmen, Qazaqstan quramasy bul esepti ustap qala almady. Match aiaqtalar tusta porýgaliialyqtar esepti teńestire aldy. Al penalti seriiasynda Portýgaliia quramasy dáldik tanytty.
Endi Qazaqstan quramasy álem chempionatynyń qola medalin Braziliiamen sarapqa salady.
Al finalda Argentina men Portýgaliia quramalary kúsh synasady.
