ٷزٸلٸسكە دەيٸن كوماندالار ەسەپ اشا المادى. بٸراق بٸرجان ورازوۆ گول سوققان ەدٸ, تٶرەشٸ بەينەباقىلاۋدى قاراعاننان كەيٸن گولدى ەسەپكە العان جوق.
بٸرٸنشٸ تايمدا پورتۋگالييا قۇراماسى جيٸ شابۋىلداعانىمەن, قازاقستان فۋتزالشىلارىنىڭ كەي سوققىسى ٶتە قاۋٸپتٸ بولدى. الدىمەن تاينان تەپكەن دوپ ماڭدايشاعا تيسە, كەيٸن بٸرجان ورازوۆتىڭ سوققىسىنان كەيٸن پورتۋگالييالىقتاردى باعانا قۇتقارىپ قالدى.
ەكٸنشٸ تايمنىڭ باسىندا انيلتون سەزار پاني پورتۋگالييا قۇراماسىن العا شىعاردى. كەيٸن قازاقستان قۇراماسى شابۋىلدى شابۋىلعا ۇلاستىرىپ, ەسەپتٸ تەڭەستۋگە تىرىستى. شابۋىلداردىڭ بٸرٸندە قاقپاشى يگيتانىڭ سوققىسى تاعى دا قاقپا باعاناسىنا تيدٸ.
كەزدەسۋدٸڭ بٸتۋٸنە 40 سەكۋندتان اسا ۋاقىت قالعاندا دەۋرەن نۇرعوجين بوس قاقپانى دەل كٶزدەپ, تارازى باسىن تەڭەستٸردٸ. كوماندالار, وسىلايشا, وۆەرتايمعا اۋىستى. بۇل تۇستا دۋگلاس ايىپ الاڭىنان دەل سوققى جاساپ, قازاقستاندى العا شىعاردى.
دەگەنمەن, قازاقستان قۇراماسى بۇل ەسەپتٸ ۇستاپ قالا المادى. ماتچ اياقتالار تۇستا پورۋگالييالىقتار ەسەپتٸ تەڭەستٸرە الدى. ال پەنالتي سەريياسىندا پورتۋگالييا قۇراماسى دەلدٸك تانىتتى.
ەندٸ قازاقستان قۇراماسى ەلەم چەمپيوناتىنىڭ قولا مەدالٸن برازيلييامەن ساراپقا سالادى.
ال فينالدا ارگەنتينا مەن پورتۋگالييا قۇرامالارى كٷش سىناسادى.
