Búgin Shveitsariianyń Non qalasynda qyzdar arasyndaǵy fýtboldan UEFA Chempiondar ligasy 1/8 finalynyń jerebesi tartyldy, dep habarlaidy "Ult aqparat".
Jarystyń atalmysh satysynda qazaqstandyq «BIIK-Qazyǵurt» Germaniianyń «Bavariia» qyzdarymen sheberlik baiqasady. Alǵashqy oiyn 16 nemese 17 qazanda Qazaqstanda ótkizilse, qarymta kezdesý Germaniiada 30 nemese 31 qazan kúnderi bolady.
Shymkent qalasynyń «BIIK-Qazyǵurt» komandasy toptyq kezeńde altynshy topta synǵa tústi. Onda Finliandiianyń PK-35, Estoniianyń «Flora» jáne Farer araldarynyń «EBS Skala» komandalaryn artqa tastap, óz tobynda birinshi oryn aldy. Odan keiin qazaqstandyq fýtbolshylar Belgiianyń «Anderleht» komandasyn (1:1, 2:0) jeńdi.
«BIIK-Qazyǵurt» komandasy el birinshiliginde 16 márte chempion atanǵan. 2003/2004 jyldan beri Eýrokýbok oiyndaryna turaqty túrde qatysyp keledi.
Al «Bavariia» 1970 jyly qurylǵan. Sodan beri óz elinde 3 márte chempion atanǵan. Sońǵy jyldarda bul komanda Eýrokýbok oiyndarynda óz eliniń namysyn qorǵap keledi.
