بٷگٸن شۆەيتسارييانىڭ نون قالاسىندا قىزدار اراسىنداعى فۋتبولدان UEFA چەمپيوندار ليگاسى 1/8 فينالىنىڭ جەرەبەسٸ تارتىلدى, دەپ حابارلايدى "ۇلت اقپارات".
جارىستىڭ اتالمىش ساتىسىندا قازاقستاندىق «بييك-قازىعۇرت» گەرمانييانىڭ «باۆارييا» قىزدارىمەن شەبەرلٸك بايقاسادى. العاشقى ويىن 16 نەمەسە 17 قازاندا قازاقستاندا ٶتكٸزٸلسە, قارىمتا كەزدەسۋ گەرمانييادا 30 نەمەسە 31 قازان كٷندەرٸ بولادى.
شىمكەنت قالاسىنىڭ «بييك-قازىعۇرت» كومانداسى توپتىق كەزەڭدە التىنشى توپتا سىنعا تٷستٸ. وندا فينلياندييانىڭ پك-35, ەستونييانىڭ «فلورا» جەنە فارەر ارالدارىنىڭ «ەبس سكالا» كوماندالارىن ارتقا تاستاپ, ٶز توبىندا بٸرٸنشٸ ورىن الدى. ودان كەيٸن قازاقستاندىق فۋتبولشىلار بەلگييانىڭ «اندەرلەحت» كومانداسىن (1:1, 2:0) جەڭدٸ.
«بييك-قازىعۇرت» كومانداسى ەل بٸرٸنشٸلٸگٸندە 16 مەرتە چەمپيون اتانعان. 2003/2004 جىلدان بەرٸ ەۋروكۋبوك ويىندارىنا تۇراقتى تٷردە قاتىسىپ كەلەدٸ.
ال «باۆارييا» 1970 جىلى قۇرىلعان. سودان بەرٸ ٶز ەلٸندە 3 مەرتە چەمپيون اتانعان. سوڭعى جىلداردا بۇل كوماندا ەۋروكۋبوك ويىندارىندا ٶز ەلٸنٸڭ نامىسىن قورعاپ كەلەدٸ.
