Búgin fýtboldan Premer-liga komandalary arasyndaǵy el birinshiliginiń on tórtinshi týry bastalady, dep habarlaidy "Ult aqparat".
Oiyndar 28 jáne 29 mamyr kúnderine belgilengen. Alǵashqy kúni úsh jup kezdesse, ekinshi kúninde tórt match ótedi.
Atalǵan týrdyń shymyldyǵy 28 mamyrda elorda ýaqytymen 17.00-de «Qyzyljar» (Petropavl) men «Taraz» komandalary kezdesýimen ashylady. Odan keiin 19.00-de «Qairat» (Almaty) men «Qaisar» (Qyzylorda), 20.00-de «Turan» (Túrkistan) men «Jetisý» (Taldyqorǵan) kezdesýlerimen jalǵasady.
Al 29 mamyrda 18.00-de «Ordabasy» (Shymkent) men «Shahter» (Qaraǵandy), «Kaspii» (Aqtaý) men «Astana» (Nur-Sultan) bolady. Atalǵan týrdy 20.00-de «Atyraý» men «Aqjaiyq» (Oral), «Tobyl» (Qostanai) men «Aqtóbe» oiyndary túiindeidi.
On úshinshi týrdan keiin 33 upaimen «Astana» kósh bastap keledi. Odan keiingi oryndardaǵy «Tobyldyń» 28, «Qairattyń» 21 upaiy bar.
