بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ ون تٶرتٸنشٸ تۋرى باستالادى, دەپ حابارلايدى "ۇلت اقپارات".
ويىندار 28 جەنە 29 مامىر كٷندەرٸنە بەلگٸلەنگەن. العاشقى كٷنٸ ٷش جۇپ كەزدەسسە, ەكٸنشٸ كٷنٸندە تٶرت ماتچ ٶتەدٸ.
اتالعان تۋردىڭ شىمىلدىعى 28 مامىردا ەلوردا ۋاقىتىمەن 17.00-دە «قىزىلجار» (پەتروپاۆل) مەن «تاراز» كوماندالارى كەزدەسۋٸمەن اشىلادى. ودان كەيٸن 19.00-دە «قايرات» (الماتى) مەن «قايسار» (قىزىلوردا), 20.00-دە «تۇران» (تٷركٸستان) مەن «جەتٸسۋ» (تالدىقورعان) كەزدەسۋلەرٸمەن جالعاسادى.
ال 29 مامىردا 18.00-دە «ورداباسى» (شىمكەنت) مەن «شاحتەر» (قاراعاندى), «كاسپيي» (اقتاۋ) مەن «استانا» (نۇر-سۇلتان) بولادى. اتالعان تۋردى 20.00-دە «اتىراۋ» مەن «اقجايىق» (ورال), «توبىل» (قوستاناي) مەن «اقتٶبە» ويىندارى تٷيٸندەيدٸ.
ون ٷشٸنشٸ تۋردان كەيٸن 33 ۇپايمەن «استانا» كٶش باستاپ كەلەدٸ. ودان كەيٸنگٸ ورىندارداعى «توبىلدىڭ» 28, «قايراتتىڭ» 21 ۇپايى بار.
