Taraz qalasynda jergilikti komanda premer-ligadaǵy óz ornyn saqtap qalý úshin Oraldyń «Aqjaiyǵyn» qabyldady, dep habarlaidy "Ult aqparat".
Munyń aldynda Oralda ótken birinshi match 0:0 esebimen aiaqtalǵan bolatyn.
Bul joly alań ieleri matchty óte qarqyndy bastady. Aldymen Samat Sársenov óz múmkindigin múlt jibermei, esep ashty.
Kóp uzamai S.Sársenovtiń soqqysyn «Aqjaiyqtyń» qaqpashysy Ilia Karavaev qaitarǵanymen, Abzal Taýbai aldyna kelgen dopty dál baǵyttai bildi. Sodan keiin A.Taýbai esepti 3:0-ge jetkizdi.
«Tarazdyń» qorǵaýshysy, serbiialyq Aleksandr Simchevich óz qaqpasyna gol soǵyp aldy – 3:1.
Oraldyqtar baryn salyp baqty. Áitkenmen esep ekinshi taimda da ózgere qoiǵan joq.
Osylaisha tarazdyqtar premer-ligadaǵy óz ornyn saqtap qaldy. Al biyl birinshi liganyń qola júldegeri atanǵan «Aqjaiyqqa» joǵary topqa qaita oralý úshin aldaǵy jylǵa úmit artýǵa týra keledi.
Eske sala keteiik, budan buryn «Aqjaiyq» pen «Tarazdyń» teń tarqasqanyn jazǵan bolatynbyz.
