تاراز قالاسىندا جەرگٸلٸكتٸ كوماندا پرەمەر-ليگاداعى ٶز ورنىن ساقتاپ قالۋ ٷشٸن ورالدىڭ «اقجايىعىن» قابىلدادى, دەپ حابارلايدى "ۇلت اقپارات".
مۇنىڭ الدىندا ورالدا ٶتكەن بٸرٸنشٸ ماتچ 0:0 ەسەبٸمەن اياقتالعان بولاتىن.
بۇل جولى الاڭ يەلەرٸ ماتچتى ٶتە قارقىندى باستادى. الدىمەن سامات سەرسەنوۆ ٶز مٷمكٸندٸگٸن مٷلت جٸبەرمەي, ەسەپ اشتى.
كٶپ ۇزاماي س.سەرسەنوۆتٸڭ سوققىسىن «اقجايىقتىڭ» قاقپاشىسى يليا كاراۆاەۆ قايتارعانىمەن, ابزال تاۋباي الدىنا كەلگەن دوپتى دەل باعىتتاي بٸلدٸ. سودان كەيٸن ا.تاۋباي ەسەپتٸ 3:0-گە جەتكٸزدٸ.
«تارازدىڭ» قورعاۋشىسى, سەربييالىق الەكساندر سيمچەۆيچ ٶز قاقپاسىنا گول سوعىپ الدى – 3:1.
ورالدىقتار بارىن سالىپ باقتى. ەيتكەنمەن ەسەپ ەكٸنشٸ تايمدا دا ٶزگەرە قويعان جوق.
وسىلايشا تارازدىقتار پرەمەر-ليگاداعى ٶز ورنىن ساقتاپ قالدى. ال بيىل بٸرٸنشٸ ليگانىڭ قولا جٷلدەگەرٸ اتانعان «اقجايىققا» جوعارى توپقا قايتا ورالۋ ٷشٸن الداعى جىلعا ٷمٸت ارتۋعا تۋرا كەلەدٸ.
ەسكە سالا كەتەيٸك, بۇدان بۇرىن «اقجايىق» پەن «تارازدىڭ» تەڭ تارقاسقانىن جازعان بولاتىنبىز.
