Fýtboldan 21 jasqa deiingi Qazaqstan quramasy 2023 jylǵy Eýropa chempionatyna irikteý kezeńindegi alǵashqy oiynyn Belgiiaǵa qarsy ótkizdi, dep habarlaidy "Ult aqparat"
Atalǵan kezdesý Aqtóbe qalasynda ótti. Qazaqstandyq belgili maman Qairat Nurdáýletov jetekshilik etetin jastar quramasy qarsylastaryna 1:3 esebimen jol berdi. Belgiialyqtar sapynan Kilin Sardella - 28, Amadý Onana - 45, Lois Openda 75-minýttarda soqqan goldarǵa qazaqstandyq Abylaihan Jumabek 43-minýtta jalǵyz golmen jaýap qaiyrdy.
Aita keteiik, Qazaqstan jastar quramasy I tobynda synǵa túsedi. Qarsylastary - Belgiia, Daniia, Shotlandiia, Túrkiia quramalary.
Jastar endigi oiynyn 7 qyrkúiekte óz alańynda Daniiaǵa qarsy ótkizedi.
Eske sala keteiik, búgin Qazaqstan ulttyq quramasy Soltústik Makedoniiamen joldastyq kezdesý ótkizýde.
