فۋتبولدان 21 جاسقا دەيٸنگٸ قازاقستان قۇراماسى 2023 جىلعى ەۋروپا چەمپيوناتىنا ٸرٸكتەۋ كەزەڭٸندەگٸ العاشقى ويىنىن بەلگيياعا قارسى ٶتكٸزدٸ, دەپ حابارلايدى "ۇلت اقپارات"
اتالعان كەزدەسۋ اقتٶبە قالاسىندا ٶتتٸ. قازاقستاندىق بەلگٸلٸ مامان قايرات نۇردەۋلەتوۆ جەتەكشٸلٸك ەتەتٸن جاستار قۇراماسى قارسىلاستارىنا 1:3 ەسەبٸمەن جول بەردٸ. بەلگييالىقتار ساپىنان كيلين ساردەللا - 28, امادۋ ونانا - 45, لويس وپەندا 75-مينۋتتاردا سوققان گولدارعا قازاقستاندىق ابىلايحان جۇمابەك 43-مينۋتتا جالعىز گولمەن جاۋاپ قايىردى.
ايتا كەتەيٸك, قازاقستان جاستار قۇراماسى I توبىندا سىنعا تٷسەدٸ. قارسىلاستارى - بەلگييا, دانييا, شوتلاندييا, تٷركييا قۇرامالارى.
جاستار ەندٸگٸ ويىنىن 7 قىركٷيەكتە ٶز الاڭىندا دانيياعا قارسى ٶتكٸزەدٸ.
ەسكە سالا كەتەيٸك, بٷگٸن قازاقستان ۇلتتىق قۇراماسى سولتٷستٸك ماكەدونييامەن جولداستىق كەزدەسۋ ٶتكٸزۋدە.
